• About Us
  • Contact Us
  • Privacy Policy
  • Advertise With Us
  • Terms & Conditions
Friday, August 8, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
Home Sports

Chongchit ka Sports Meet ka Seiñraij LPS SSA Mukhap

Wyrta Staff by Wyrta Staff
March 26, 2023
Reading Time: 4 mins read
A A
0
Share on FacebookShare on Twitter
ADVERTISEMENT

Ka School Managing Committee yong ka Seiñraij LPS SSA, Mukhap wa em ha Laksein Block ha ka thong wow pynchlur wei wow yohlaad ki khynnah u pynyoo pyntaw sap najrong i puræ puthi, nadooh ka sngi Hat 22 tarik hadooh ka sngi Pynsin 24 tarik uni u bnai da pynman ko ya ka School Sports Meet 2023 heiwa kam ka dak i wai ya kani ka Sports Meet ha ka sngi nyngkong da em i pynhær ya ka lama yong ka skur da u General Secretary Seinraij, u Ialamlang Suchiang wei da pynphooh pynpheiñ leh ya kani ka sngi da ka March Past wa da chimbynta da ka Blue House, Green House, Yellow House wa ka Red House.

Ha ki le sngi yong kani ka Sports Meet, ki khynnah wa da phiah ha ki kyrdan waphær da yohlaad bha ki u pynyoo pyntaw sap lyngba ki yakob wa boonjait boon rukom kiwa kynthup ya ki Race, ki Traditional Sports wa kiwi kiwi kiwa man chibynta ka laad ka luti wow khriñ ya ki khynnah neibynta wow lait ki na ki kaam sih wa boonjait.

Ya kani ka Sports Meet da pynkut ha ka 24 tarik deiwa saam ya ki khusnaam cha ki khynnah wa jop ha ki yakob waphær wei yei naam Best House da yoh da ka Green House katwa yei naam Best Athlete neiliang ki chynrang da yoh da u Ristarsing Suchiang katwa neiliang ki khynnah kynthai won da yoh da ka Eibhawan Langstang.

Ha ka yalang pynkut yong kani ka School Sports Meet 2023 hei pynlai ka Kheinkor Niang, Head Teacher, u Rangdajied Lapasam, Waheh Chnong Mukhap da man u kam u kongsan hei emlang ki dkhot ka School Managing Committee, ki manbei manpa wa ki waheh wasian ka Seiñraij Mukhap wei ya kani ka sngi da pynphooh pynchongchit leh da ki chaad wa ka Mass Drill wa da chimbynta da ki khynnah yong ki House waphær waphær.

Related posts

Rs. 5 lak ka song poisa ka 17th Prize Money Knockout Football Tournament 2025 wa pynman da ka WSCSO

August 8, 2025

SPL 2025: Sdang ka Mawlai deiwa jop ya ka Sawmer ha ka yalehke wa da thap 8 tylli ki kool

August 7, 2025
ShareTweetSendShare
Previous Post

Ympu chem ya ka kari wa ka poisa u Pynkhreh Surong

Next Post

Leh Niam Kbai Mooknor

Related Posts

Sports

Rs. 5 lak ka song poisa ka 17th Prize Money Knockout Football Tournament 2025 wa pynman da ka WSCSO

August 8, 2025
Sports

SPL 2025: Sdang ka Mawlai deiwa jop ya ka Sawmer ha ka yalehke wa da thap 8 tylli ki kool

August 7, 2025
Sports

Sdang ka SPL 2025 dei jop ya ka Nangkiew Irat

August 6, 2025
Sports

Sdang ka Super Division ka Thadlaskein Sport Association

August 6, 2025
Next Post

Leh Niam Kbai Mooknor

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar