Ka yachemlang namo ka General Meeting yong ka Seiñ Kur Pale Pyllun wa da pynman ha chnong Nongjngi Ionglwit ha ka 25 tarik uni u bnai da man ko kawa chongchit heiwa ya kani ka yalang da pynlai da u Vice President ka seiñ kur, u Yooki Pale heiwa da yoh yei ngooh Blai na u Pator ka Nongjngi, u Wilas Pale.
U kongsan ha kani ka sngi toh u Shitlang Pale (MLA warim) uwa da pynhær leh ya ka lama ka Kur Pale.
Da yoh leh yei klam sneiñ kyntu na ki waheh ka kur kam na Nongjngi, Wahiajer, Ialong, Nartiang wa kynthup na ka T.L. Pale (Ex DI & JT Director Education), u Rev. H.L. Pale, u Ruma Pale, waheh chnong ka Lumtrep, u Ebormi Pale wa na u Elnathan Pale, President ka seiñ kur wa kamjooh leh na u kongsan.
Da pynphooh ya ka yalang da i rwai pdiang burom na ki dkhot ka kur kiwa na chnong Ionglwit, i chaad na Wahiajer, Nongjngi, Nartiang, Lumtrep, Ionglwit wa ka yalehke Drama naka chnong Larnai.
Ha kani ka sngi da pynkup burom leh ya ki khon ka kur kiwa da lehbha ha ka SSLC, HSSLC, kiwa da yoh kyrdan Bachelor Degree, Master Degree, kiwa da pyndep yei puræ Doctor, Engineer wei ya ki Memento da yarap poisa da ka JHCMA.
Da pynkhle leh ya ka Lucky Draw ka seiñ kur wei ki Number wa pam man ki kamni:
1st Prize- 07072
2nd Prize- 02940
3rd Prize- 04816
Consolation Prize: 03473, 05606, 00668, 05255, 03628
Da pynkut ya ka yalang da ki ktien khublei na u Dr. M. Sunday Pale, General Secretary.
Ya ka General Meeting ka Seiñ Kur Pale Pyllun daw pynman ha u snem 2024 ha Nartiang (Mudop).
