• About Us
  • Contact Us
  • Privacy Policy
  • Advertise With Us
  • Terms & Conditions
Sunday, May 11, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
ADVERTISEMENT
Advertisement Advertisement Advertisement
Home Culture

Chongkun chongblai ka Behdieñkhlam Behkymphui ki khon ka Raij Mynso

Wyrta Staff by Wyrta Staff
September 19, 2023
Reading Time: 8 mins read
A A
0
Share on FacebookShare on Twitter

Ynne ka sngi ki khon ka Raij Mynso kamwa jooh leh khlieh u snem da pyndep ki ya ka Behdieñkhlam Behkymphui kawa da sdang nadooh ka 16 tarik uni u bnai.

Ha kani ka sngi pynkut ya kani ka lehniam da em ka yalang tbian ha Yung Langdoh ka Raij Mynso ya kawa da pynlai da u Habijan War, u President ka Seiñraij Mynso katwa u K. Situng da e u ya ki kyntien ngooh Blai wei da yoh ya ki kyntien pdiang burom na ka E. Sungoh.

U Pynhunmi Chen, Secretary ka Seiñraij Mynso da e u ya ki kyntien klam phang deiwa ong wa kani ka lehniam toh chwa wow hiar cha hali wow ah yow kba wow man uwa bha wa miat.

Da khana u leh wa chwa wow hiar wow thung ya u kba da pyndep ya ka lehniam Chaad Tyllu wow kyrkhu u Trekirot ya i.

Related posts

I pyntip wa emkaam ya ki khon ka Seiñkur Langi

May 11, 2025

Da ki ar tylli ki Drama pynkut ka Chilliangraij ya ka Bamphalar 2025

May 11, 2025

Neiliang u Dolloi ka Elaka Mynso, u K. Myrchiang ngait skem u wa kani ka Behdieñkhlam Behkymphui daw pynman ko ya u kba wow man uwa miat wa bha wow lait na u stait.

U Kamnipaia Challam kam u kongsan da ong u wa kani ka sngi man ko kawa sahkynmoo ya waroh kiwa da sakhi ya kani ka lehniam wa da man ha Yung Langdoh neibhah nachwa jooh man ko ha Madan Chaad Thyllu. 

Da ong u wa man ko ka sngi wa kyrpang neibhah da chynna ya i dur wa phooh yong ki kiwa em i kitkhlieh hei wow chakri ya ki kaam niam.

Chooh chooh da ong u wa emkaam u sñiawthooh ki ya ki thaw kamwa da e ki Blai hei wow pyndep ya ka niam ka rukom.

Da ong u wa emkaam wow burom ya ki Seiñjait katkam ki kur yong ki neibhah waroh ki kur em ki jar jiar ki Seiñjait wei wow burom leh ya ki Blai yung wa kiwi kiwi.

Kiwi kiwa da klam toh u N. Shadap uwa man u Vice President ka Seiñraij Shangpung wei da pynkut ya ka yalang da i kyntien khublei na u W. Shylla.

Hadien ka yalang da pyndep ya ka Thaiñ Blai ha pchem i Yung Langdoh wow pyndep ya ka e ngooh e dem wa i suit i choor yeiwa da pyndep da ki waheh ka Raij kam u Dolloi, u Langdoh, ki Wasan wa kiwi kiwi.

Hadien wa pyndep yei suit i choor da mih na Yung Langdoh wei da lai da rah ya ki kymphui kiwa man ki dieñ wa da tah hei saphup wei da sæh ya ki kattu katni tylli ha tymbud tuli nadooh na Khloo Blai cha Yaaw wei da tyngkheiñ ya ki chken wa da pynthiah harood sarok kam ka dak wow tyngkheiñ ya ka khlam yeiwa da pynbood won sa i e ngooh ya ka Um Ñiawwyrnai kawa em ha Yaaw chwa wow hiar cha kani ka um. 

Na yaaw da mih wow lai cha i thaw wa tip kam ka Tre Madan Mari heiwa da pyndep ya ka Kñia Syiem Khlam Syiem Dait heiwa da e kñia da kawi ka sniang.

Ka lehniam ynne ka sngi da man ko kawa lai bait wei kawa phooh wa phieñ heiwa da pyndep ya ka katkam ki hukum ki adong yong ka niam wa da sikai da pynjooh nadooh warim.

ShareTweetSendShare
Previous Post

Sai u Mukul da i dur wa chondur lang u Conrad wa u snar khayi drugs uwa da chem kem

Next Post

Kyntait u Conrad yei pynbaad u Mukul lyngba i dur wa sai u hapoh ka yung dorbar chna aiñ

Next Post

Kyntait u Conrad yei pynbaad u Mukul lyngba i dur wa sai u hapoh ka yung dorbar chna aiñ

Discussion about this post

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar