15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Chongkun chongkhia ka dorbar ki Soo Langdoh ha madan Lariang

Advertisement ad1

Jowai: Ka Dorbar ki Soo Langdoh ha madan Lariang, Ialong katkam ka rukom dustur sikai niam hei yahkhmat u Dolloi ha uni u snem leh daman ko kawa lai beit wei yoo chongkun hapyrdi i duna paaid neidaw wa hap u bood ryntih ya ki hukum adong ka sorkar ha kam ini i por wa em u khñiang COVID-19.

Ya kani ka Dorbar ki Soo Langdoh da pynman katkam ka dustur sikai niam hadien wa dadep i yong u kba u khoo na pynthor na bhiang wei ha uni u snem da pynman ya ka ha ka sngi Mulong 13 tarik Kmaichonglad 2020.

U Pator ka Raij Jowai u waheh Raymon Nartiang  kam u chongknor yong kani ka Dorbar da e u ki kyntien yahkhmat wa ki kyntien pdiang burom neitæ won pynbood ki kyntien na u Dolloi ka Elaka Jowai u Wh. Puramon Kynjin, uwa da e mynsien ya ki Soo Langdoh wym hoi u man ki bru wa dooh kyrmen hapyrdi i tynjooh wa wan yong i wym yohlaad u leh u pyndep ya ka Chaad Niam Behdeiñkhlam kam wa jooh man ha ki snem wa dalai wei da ong u leh to u chim wa kani toh u man ko ka luti wa sikai ya i wow tip i u pyrkhat yeiwon yeiwon iwa thymme i wow pynjanai ya ka niam ka rukom wa dustur.

Ha kani ka Dorbar neiliang  ki Soo Langdoh wa kynthup yow Kongwasan Langdoh Chyrmang, Langdoh Jowai, Langdoh Tuber wa u Langdoh Ialong yieñ ki wow khanna pynsñiaw ya ki sngi ki bnai yong ka Chaad Niam Behdieñkhlam ha u snem 2021 heiwa ha Raij Chyrmang u Kongwasan da khana wa ka sngi pynkut yong ka Chaad Niam Behdeinkhlam u man ko ha ka 28 u Naitung, ha Raij Jowai won u sdang ko nadooh ka 8 tarik wei u kut ko ha ka 11 tarik u Naiynniaw, ha Raij Tuber won ka sngi pynkut u man ko ha ka 19 u Naiyñiaw 2021 katwa ha Raij Ialong won u man ko ha ka 12 tarik u Naisaphra 2021.

Chooh chooh da pteiñ ya ki bynta wa chakhmat yong kani ka Dorbar deiwa yoh yei khana pynap pynsñiaw na ki Soo Langdoh ya ki kaam kiwa yatoh wei miat i bha ka niam, rukom dustur hapyrdi ki khon yong ki Soo Raij Soo Langdoh neitæ pynbood won leh i ngooh Blai ngooh Syiem deilang wei suit i choor dei pyrnah pyrjin wa da khreh da tayar da u Dolloi wa ki Soo Langdoh.

Share this:
Previous

Pynlait paidbah u S.Q. Sumer ya ka riti krehkaam ka Synjuk ki Waheh Chnong Jowai

Next

Poi cha wakut ka 11th District Badminton Championship ka WJDBA