15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Chongkun i pynemwarom ya i dap snem rupa ka CCWSWO

0 Comments
Advertisement ad1
Advertisement ad1
Advertisement ad1

Jowai : Ka Caroline Colony Womens’ Social Welfare Organisation, Jowai da dap ko arphaw san snem wei yei dap kani ka dong da sdang pynemwarom ya ka Silver Jubilee Celebration yong ka da sdang nadooh ka 3 Naiynru 2015 heiwa chisien chi bnai da pynman ki ya ki prokram kiwa ha rukom kam ka quiz, debate, singing competition, extempore speech, dancing competition wa kiwi kiwi.

Ynne ka sngi da pynman ya ka prokram kawa kyrpang du nei bynta ki manbei yong kani ka dong. Heiwa ki manbei da yachim bynta ki hapoh ka yung club yong kani ka dong. Ki manbei ynne ka sngi da pynwyrngia ki ya ki paidbah da ki chad, ki lai fancy dress wa kiwi kiwi.

Heijooh i por da pynchongchit ya ki paidbah da ki rwai na u Francis Phawa uwa man wa ar ha i rwai pyllah ya kawa da tip kam ka Sur Season 3 wa kiwi kiwi ki khon ka dong kiwa da pynyoo yei sap rwai yong ki.

Ka sngi khaddooh wow pynkut ya kani ka lehkmen u man i ha ka 7 Khonchonglad 2015 heiwa daw saam ki ya ki prize cha ki nongyachimbynta ha ki yaleh wapher wapher.

Ya ini i lehkmen rupa ka seiñ da yoh yarap leh na ka office u Deputy Comissioner, West Jaintia Hills.

Share this:
Previous

Kynmoo warom ka Balang Katholik ya ka All Souls’ Day

Next

Pynbna yakhih biang ka KNGCSU hajrong ki mat dawa wa dang sahteiñ