15 49.0138 8.38624 1 0 4000 1 https://wyrta.com 300 0

Chongkun i pynkup burom wa i e khusnaam ya ki khynnah puræ wa ya ki bru wa pawkhmat ka Kur Dkhar

0 Comments
Advertisement ad1

Jowai: I pynkup burom wa i e khusnaam yong ka Seiñ Kur Dkhar Jaiñtia Hills-Wapung Circle ya ki khynnah puræ wa ya ki bru wa pawkhmat yong ka Kur Dkhar kiwa haap hapoh yong ka, da man ko kawa yoo chongkun wei lai bait lai ryntih chirup wei phooh wei pheiñ.

Ka “General Meeting (Dorbar Kur) cum Excellence Award – 2019”, yong ka Seiñ Kur Dkhar Jaiñtia Hills-Wapung Circle kawa da pynman ko ha ka 30 tarik u Naichiphaw wa da dep, kam ka dak wow tipmit, wow e mynsien, wow pynchlur, kamjooh leh kam ka dak i sñiawsarong hajrong i wanrah burom yong ki kattu katni na ki para Kur Dkhar, da pynkup burom wei e khusnaam ko da ki Certificate of Excellence wa ki Mementos ya ki 25 ngut ki khon yong ka Kur Dkhar kiwa kynthup nadooh ka kaam mihkhmat wei chakri paidbah, hadooh ki Doctor, Engineer, Advocate, kiwa sikai, wa ki khynnah puræ.

Advertisement ad1

Da pynlai ya katai ka prokram ha katai ka sngi da u M H Dkhar, Adviser yong ka. Ha katai ka sngi, da em lang leh u Phasmon Dkhar, MDC, EM, JHADC, kam u kongsan; u Justine Dkhar, Ex. MLA, kam u uwa chah khut kyrpang, kynthup lang wa kiwi kiwi tawan kiwa yahkhmat yong ka Kur Dkhar nadooh ka Seiñ Kur Dkhar Jaiñtia Hills-Central Body, Seiñ Kur Dkhar Jaiñtia Hills-EJHD, Seiñ Kur Dkhar Jaiñtia Hills-WJHD wa na kiwi kiwi ki chnat kreh kaam yong ka Seiñ Kur Dkhar Jaiñtia Hills.

Ki pyrtuid yong kiwa da yoh ya katai ka pynkup burom wei e khusnaam yong ka kur yong ka SKDJH-WC toh, Premi Dkhar (CA), Iongkaluh, Dr. Wanroi Dkhar, MBBS (OBG), Iongkaluh, Dr. Pynthymmelangki Dkhar, MBBS, Wapungshnong, Dr. Sooki Dkhar, BHMS, Jaliyiah, Dr. Mercy L Dkhar (PT), Iongkaluh, u Deil Dkhar, B. Tech, Computer Science Engineering, Wapungshnong, ka Deimonhi Dkhar, B. Tech, Civil Engineering, Tuber Shohshrieh, u Victor Dkhar, B. Tech, Civil Engineering, Wapungskur, u Simon Pius Fidelish Dkhar, B.E, Electrical & Electronics, Iongkaluh, u Pynshai Kupar M Dkhar, BA. LL.B (Hons), Wapungshnong, Joplangki Dkhar, BA. LL.B (Hons), Wapungshnong, u Deimonmi Dkhar, BA (Eng.) LL.B, Wapungskur, u Shan Miki Dkhar, BA. LL.B (Hons), ka Riakor Dkhar, MA (Sociology), B.Ed), Wapungshnong, u Shiningstar Dkhar, M.Sc (Chemistry) Iongkaluh, ka Embhalang Dkhar, MA (Khasi), Wapungshnong, ka Premica Dkhar, B.Sc (Hospitality & Hotel Admn.), Wapungskur, ka Miranda Dkhar, Bachelor of Design (Accessory Design), deilang wa ki khynnah wa pass Class-X, ka Priestmon Dkhar, Wapungshnong, ka Hakaru Dkhar, Iongkaluh, ka Mandakini Dkhar, Jaliyiah, ka Blossomi Jane Dkhar, Wapungskur, ka Evakordor Dkhar, Iongkaluh, wa u Graciously Joachim Dkhar, Iongkaluh na ka ICSE, Class-X.

Ha katai ka sngi, ka SKDJH-WC, da pynkup burom wei e khusnaam haroh ko ya u Phasmon Dkhar, MDC, EM, JHADC, Jowai, kam ka dak tipmit, i e mynsien wei kamjooh leh kam ka dak i sñiawsarong yong ka Kur Dkhar hajrong ka phang “Outstanding & Exceptional Excellence in Leadership & Community Service” wei heijooh i por kam ka dak yong i sñiawngooh hajrong i chakri hok yong oo ya ka thaaiñ wa ya ka ka Kur Dkhar kam u MDC.

Ha katai ka sngi u Phasmon Dkhar, MDC, EM, JHADC, kam u kongsan, hei klam yong oo, da yaroh u ya ka Seiñ Kur Dkhar Jaiñtia Hills-Wapung Circle, hajrong i kreh chitom yong ka wow pynman ya kawa kam kani ka prokram, kawa da e mynsien sakhiat ya ki khon yong ka Kur Dkhar heiwa u nang yoh bor chooh chooh ki u kreh chitom wei minot trait hei kaam hei jaam waphær waphær hei im yong ki khamtam ya ki khynnah wa dang puræ yong ka kur.

Katwa, u Justine Dkhar, Ex-MLA nawon, hei pynrap klam yong oo kam u symbood kongsan da kyntu joor u ya ka Kur Dkhar wow booh ko hakhmat dooh yei maya-saya, yei yatylli, yei yajan wei yei e yarap wa markylliang ha kiwon kiwon ki bynta wa emkaam hapyrdi yong ka Kur Dkhar.

Advertisement ad1

0 Comments

Leave a Reply