Jowai : Ka Raij Tuber kawi na ki Raij wa heh wa kmai dooh hapoh ri-loom Jaiñtia da pynman ko ya ka Chaad Sukra yong ka ynne ka sngi ha Aitnar, Tuberkmaishnong heiwa da wan sakhi wei da wan yachimbynta da ki khon ka Raij na kylleiñ.
Ya kani ka Chaad Sukra da pynman da ka Seiñraij Tuber, heiwa u MLA ka thaiñ u Justine Dkhar da man u kam u kongsan.
Hachwa wow sdang kani ka Chaad Sukra da em ka yalang wa tbian heiwa kam u kongsan u Dkhar da e khublei u ya ki khon ka Raij wei da kular u leh wow thooh u ki laad wow chna pynmiat ya u sarok u wow lai cha Khloo Blai heithaw wa jooh pynman ya kani ka Sukra.
Ya kani ka sngi da wan da ki hajar ngut kiwa da chong talawiar ka Aitnar wow sakhi ya ki chaad, ki rwai ki siaw kiwa da pynkhreh da ki khon ka Raij.
Hanlada chit ka sngi i mynsien wow embynta ha kani ka Sukra da chynna sakhiat heiwa kiwa pynwyrngia da chaad ka-it mynsien ki wei kiwa paitke da ksoh ki ya ki satri wow da na ka sngi.
Discussion about this post