Shillong : Ka lyngkhooh dap 117 snem ka Seng Khasi kawa tip leh kam ka lehkmen Seng Kut Snem da pynman ya ka ynne ka step ka 23 tarik nadooh i por 8 waje i step da ka yalang wa pynman na Seng Khasi Hall ha Mawkhar.
U Waheh Chnong ka Mawkhar u B. Rummong da sdang u ya kani ka leh kmen da ki ktien pdiang sñiawbha ya waroh ki khon ka Seng Khasi.
Da kynmoo warom leh ya ki 16 ngut ki wa mihkhmat kiwa sdang ya ka Seng Khasi wei da e ngooh e dem da u Hambok Kharmawphlang iwa pynbood won da i bood lang ki paidbah ya ki dkhot rwai yong ka Seng Tymmmen ka Seng Khynnah (Kmie) wa ki rwai na ki Seiñ Khynroo ka Seng Khasi deiwa thmu wow khut biang ya waroh wow ksoh kti ki wa ki khon Khasi, wa ki Pnar.
Ka bynta wa ar won da sdang na madan Iewrynghep heiwa waroh kiwa chimbynta da wan ki da ki riam tynre ki rwai tynre kiwa pynyoo dur ya i rukom man tynre ki paaid Khasi.
Ha madan Iewrynghep u President ka Seng Khasi Madanrynting Pyllun da pdiang u ya waroh wa lang wei da em leh ki rwai ki chaad na waroh wa wan chimbynta ha kani ka sngi.
Yei krehkaam won ka Seng Khasi da pynbna paidbah da u Arwan S. Tariang uwa man leh kam u General Secretary ka Seng Khasi wei da pynbood won sa ki yutang na u waheh Dipson Lyngdoh Dongbri, President ka Seng Khasi, Mawlai wa na u Wahheh D. Rangad, Seiñ Raij Shillong.
Kam wow pynkut ya kani ka sngi da saam leh ya ki khusnaam cha ki khynnah khynroo khyllood kiwa da leh bha ha ki puræ puthi yong ki, kiwa da leh da ka Kynthei Seng Khasi Kmie.
Da pynkut ya ka lehkhmen ynne ka sngi da ki rwai ki chaad ha kani ka sngi wa kyrpang ki khon ka Seng Khasi na kylleiñ ka jylla.
Photo Credit & Story: Banïaikynmaw Shanpru
Discussion about this post