Jowai: Ka Blood Donation Cell yong ka Social Committee ka Jingiaseng Samla Balang Presbyterian Jowai, da lehkmen ko yei dap 8 snem i chakri ko deiwa e snaam cha ki bru kiwa em hei chitom i saja. Ya kani ka lehkmen da pynman ha kani ka 27 tarik ha Jowai Presbyterian Secondary School.
Kani ka Blood Donation Cell, em ko hadooh 125 ngut ki wa esnaam sñiawbha wei da pdiang ya 3 ngut kiwa dang psiah thymme. Ha kani ka sngi da pynsñiaw yei sñiawngooh ya ki 16 ngut ki dkhot kiwa da poi cha i rta wow chongngiah na kani ka kaam esnaam mon sñiawbha heiwa da e leh ya ki da ki Certificate kam ka dak wow sñiawngooh ya ki.
Ya ka yalang ha kani ka sngi da pyllai da u ma Regent Shylla, Rangbah Balang uwa man leh u Chairman, hei emlang ka Dr. Kalpana Chowdri, u Dr. Sidhart Sangma, Dr. Dila Sangma Dr. Paslein, Rev C.L. Laloo, Rev. E. Nongpluh ma E.Runie Lyngdoh wa kiwi kiwi.
Kamwa man katni ka Blood Donation Cell yakrehlang ko wa ka Dr. Norman Tunnel Hospital yong ka KJP Assembly.
Discussion about this post