15 49.0138 8.38624 1 0 4000 1 https://wyrta.com 300 0

Chongkun ka lehniam Behdieñkhlam ka Raij Jowai ha Aitnar

0 Comments
Advertisement ad1

Jowai: Ka lehniam Behdieñkhlam ka Raij Jowai ynne ha Aitnar da man ko kawa chongkun kamjooh kawa phooh wa phieñ heiwa da wan sakhi da ki hajar wa wan na kylleiñ ki jylla wa ki ri.

Da wan sakhi leh ya kani ka sngi Muchai da u lat ka jylla u Ganga Prasad, u Symbood Montri Rangbah ka jylla, u Prestone Tynsong, ki montri sorkar wa kiwi kiwi.

Advertisement ad1

Ha Aitnar hadien wa ki Khon Raij da tympat ki ya ka Symbood Khnong ki Kmai Raij da pynhiar ki ya ki rot wa klam hajrong ka imlang sahlang, ka Rymaw wa kiwi kiwi ha Aitnar.

Hadien wada pynhiar ki Kmai Raij ya ki kattu katni tylli ki rot ha Aitnar ki Khon Raij (Chilliangraij) da e ki ya ka Symbood Khnong ha Aitnar yow knieh ki khon ka Raij yow eh ka bok ka nasib.

Manda dep e ya ka Symbood Khnong ki Kmai Raij da sdang ki u pynhiar biang ya ki rot ha Aitnar.

Hadien wa da pynhiar ya waroh ki rot ki Khon Raij da pynhiar ki ya ka Khnong Blai ha wow yaknieh u tba ya ka yow eh ka bok ka nasib, yow bha ka khih ka kreh yow yoh i roi i paar.

Advertisement ad1

0 Comments

Leave a Reply