Jowai : Ki khon ka Raij Tuber ynne ka sngi 21 tarik da pyndep ki ya ka lehniam Behdieñkhlam ha Aitnar, Tuber Kmaichnong.
Ha kani ka sngi ya ini i leh niam da wan sakhi da ki Montri, ki MDC, wa kiwi kiwi.
U Montri ka tnat PWD u ma Sñiawbhalang Dhar da wan sakhi u ya kani ka sngi khaddooh kam u Kongsan, katwa u ma Justine Dkhar da man u kam u symbood kongsan hei emlang u MLA u ka Sutnga u ma Hopeful Bamon, chirup wa ki MDC ka JHADC.
Ha kani ka sngi ki khon ka Raij Tuber kamjooh kiwa na baar ka Raij da wan yachimbynta ki ha ka Syiem Aitnar.
Ki khon ka Raij da wanrah ki hadooh kamwa 60 tylli tam ki rong kiwa ha rukom kiwa klam ya ki kyntieñ sneiñ kamjooh leh ya ki rong ki rup.
U ma Sngiawbhalang da pynbha wa u noh kyllooid mynsien u T. 2,00,000 neibynta pynbha chooh chooh ya ka Guest House yong ka Raij.
Ha chwa u noh ya ki Rot da em ka yataan Bhang kawa man kam ka yalehke tantylle ha pyrdi ka Phangraij Tuber Neiñ wa ka Phangwah. Ha kani ka yataan bhang kawa yathaiñ bha da jop ka Neiñ wei katkam i ngeit yong ki ha kani ka snem u khoo u kba, ka kamai, ka kajih, ka roi ka par u rap bha ko ya ki phangneiñ ban ya ka phangwah.
Discussion about this post