Ka Shad Suk Mynsiem u snem 2026 wa pynman da ka Seng Khasi Kmie da man ko kawa chongkun chongblai heiwa da ki palat hajar ngut kynthai wa chynrang da hiar ki ha ka lympung wow chimbynta ha ryngkat da ki hajar ngut ki paidbah kiwa wan sakhi.
Ha kani ka sngi kut ka Shad Suk Mynsiem 2026, da em 1810 ngut ki wa chimbynta chynrang wa kynthai.
Ka Shad Suk Mynsiem toh ka chad wa da sdang nadooh u snem 1911 ha ka Madan Weiking, wei da jooh pynman ya ka ha ki 3 sngi, kiwa man ki sngi Chad Engooh ya u Blai wei kyrkhu wa da yoh.
Neiliang ki waheh yong ka Shad Suk Mynsiem Committee ka Seng Khasi Kmie, u DL Nongbri uwa man leh u vice president, u PD Nongrum vice president wa u Rangpher Rynjah da pynsñiaw ki yei kyrmen ya ka pateiñ wow wan nei chimbynta ka’it mynsien ki chynrang wa kynthai.
Da ong ko wa iwa rap phær wei phylla katwa dang mih ki snem toh wa ki khynroo khyllood ki pateiñ wow wan em ki yei kyrmen neibhah nachwa kiwa chimbynta em ki du da ki phaw ngut tangwa ha uni u snem da ki spah ngut wa mih deiwa pynrap wa ini wa maya ki yei tynre.
Kini ki waheh da phah ki leh ya ka khubor cha ki khon khynroo khyllod wa ki pateiñ wow wan wow pynneh ki ya i yongki dahi ka riti ka dustur neibhah lada dooh noh heiwon u em itæ i man kyrpang ka ri wa ka jaitbru.
Discussion about this post