Jowai: Ka Yadaw Masi Rong Niam kawa da pynman da ka chnong Jalaphet Bri Sutnga, East Jaiñtia Hills District ha kani ka 26 Naikhynde ha Madan Syatieh yong ka chnong Jalaphet da man ko ka wa chongchit chongkun wa kawa yoosuk neibhah ha kani ka sngi boon ki masi yadaw da wan yakhun ki ha khmat ki spah ngut ki paidbah wa wan paitke.
Ha kani ka sngi u ma Shitlang Pale Ex-MLA, da man u kam u kongsan, da emlang leh u ma Hopingstone Bareh MDC Sutnga Narwan, u ma Womly Chyrmang Waheh Chnong Jalaphet Bri Sutnga, u ma Hemris Chyrmang Chairman Iadaw Masi Rong Niam wa kiwi ki bru waheh wa ki paidbah wa wan paitke ya kani ka Yadaw Masi Rong kawa pynman chisien chi snem.
Ha kani ka sngi da em leh ka yalehke bol (Friendly Match) hapyrdi ka Kur Chyrmang Football Team pyrchah ya ka Kur Swer Football Team, heiwa ka Kur Chyrmang pynrem ko ya ka Kur Swer da 4-0.
Ha kani ka yealehke neiliang yong ka Kur Chyrmang kiwa yoh u thap kool ki toh u Bing Chyrmang, Waldo Chyrmang, Khoile Chyrmang wa u Amul Chyrmang.
Ya ki khusnaam cha kiwa jop da saam da u kongsan wa kiwi kiwi ki waheh.
Discussion about this post