Ha ka yalang kiwa pynlai ya ki thaw uiñke suwari wa ki thaw sah ka thaaiñ Sohra da pynsñiaw ki yei chrai ya ka seiñ All Meghalaya Khasi Tourist Taxi Association (AKMTTA), kawa da khang ya ki kari na bar wow wan kit ya kiwa uiñke suwari iwa da leh ki ha ka 16 tarik.
Ha ka yalang kawa da pynman ha Dorbar Hall ha Mawkdok, da beiñ joor ki ya ka AKMTTA deiwa kyntu ya ki pulit wa ka sorkar wei kamjooh ya ki dorbar chnong wym toh u e laad ya kitu ki bru kiwa khang ya ki kari wow wan kit ya kiwa wanke.
Kiwa klam waphær waphær da beiñ ki ya ka AKMTTA deiwa ong wym em hok ko wow tba yei hok yong kiwi.
Da ong wa ini i khang ya ki kari kiwa na baar da man ko kamwa ksih yow pdot ki paidbah ka thaaiñ Sohra kiwa im ja na ki kaam uiñke suwari kawa da sdang ku ha kini ki sngi wei ini wa ki leh toh du deiwa bichni.
Da ong ki wa ki kari kiwa na baar da wanrah ki ya ki Tourist kiwa na baar jylla wei ki em hok ki katkam ka aiñ.
Heiyatoh wa ini, u Alan West da ujor u da ka Public Interest Litigation (PIL) ha ka Meghalaya High Court hajrong i chah ktah kiwa khih wa khan deiwa khang kari ka All Meghalaya Khasi Tourist Taxis Association (AKMTTA) iwa da leh u ha ka 18 tarik.
Discussion about this post