15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Chwa ka 15 Kmaichonglad u pynkrehkaam ya ka Entry Exit Point ha Umling: Prestone

Advertisement ad1

U Symbood Montri Rangbah ka jylla, u Prestone Tynsong ynne ka sngi da pyntip u wa ka ‘Entry Exit Point’ ha Umling, Ri-Bhoi District daw pynkrehkaam noh ya ka chwa ka 15 Kmaichonglad (December) uni u snem.

Katkam wa ong u Prestone, i slem wow pynkrehkaam ya kani ka thaw toh neidaw wa slem u ah ya ki loom wei katni ka sorkar daw pyndep smat ko yei kreh wei wow pyndep ya ka hajrong i lut iwa du kamwa T. 3 klur donhi ha i thaw yong ka sorkar hi.

Advertisement ad1

Da ong u leh wa kani ka thaw psiah daw em ko leh ya ka thaw wow Test COVID-19 neibynta kiwa wan psiah chapoh ka jylla.

Chooh chooh da pyntip u leh wa i thaw wa da booh rap nachwa toh iwa hei lut kamwa T. 15 klur iwa da pynsñiawthooh bakla ya kiwa boon tangwa neidaw wa man i kaam wa jhan wei wa slem wow pynbiang yeiwa emkaam, i thmu wa nachwa yong ka sorkar da pynkylla noh deiwa booh noh ha i thaw wa thymme heiwa daw duna bha i lut.

Kam wow pynkynmoo wa da pyndam noh ya ka khyrdop ha Umling katkam ka chithi u Under Secretary ka chnat Tourism, kawa da phah cha u Principal AG (Audit) CASS Section, Shillong ha ka 29 tarik Naikhynde, 2020, wei da ini i pyndam yong ka sorkar ya katai ka khyrdop kawa i lut da poi palat T.15 klur da mih leh i pynbaad na kiwa boon ki seiñ wa ym em chimkhia ka sorkar ya kani ka kaam hapoh ka jylla.

Share this:
Previous

Pyntaw sap ki khynah Scout & Guides ha ka Gandhi Jayanti Week

Next

Sahteiñ i yaklam pynbait pood ka Assam Meghalaya neidaw ka khlam COVID-19