Jowai : Ka chnong Darrang toh ka chnong wa em hajan ka Shnongpdeng wei neiliang ki bor District da kwah ki leh wow pynbna ya kani ka thaw kam sa kawi ka thaw lai uiñke sawari ka wow pawnaam kat ka Shnongpdeng hi.
Ha chwa wow wai ya ka Darrang cha ki wa lai uiñke suwari da kwah ki wow sikai chwa ya ki tre chnong yow man ki kiwa da pynkhreh yow lait iwon iwon i jia wa sñiawsih ya kiwa wan cha kani ka chnong.
Hei yatoh wa ini ki bor district ka West Jaiñtia Hills hapoh i pyllai ka DRDA & DDMA wa ka SP, Fire & Emergency Services, Shillong daw pynman ki da ka Search & Rescue for Water Sports iwa mut i e sikai yow yarap ya ki bru wa ngam um wei wow pyllait ya ki na ki maa wa boon.
Ya kani ka esikai daw pynman ha kani ka 24 tarik ha Darrang kamjooh leh ha Krangshuri Waterfall.
Also Read: Hadien ka Shnongpdeng, kattu sa ka Darrang
Discussion about this post