February 20, 2017
0 Comments
Jowai : Ki Syiem ka hima Jaiñtia da tei da chna ki ya ki yung, ki thaw lehniam, wa kiwi kiwi ha kylleiñ ka hima nadooh na Nartiang, Borkhat, Syndai, Jaiñtiapur wa kiwi kiwi, wei man ki kiwa dang neh dang sah hadooh kini ki sngi.
Ha Syndai hawah ka Krem Syndai hapoh i khloo ka kur Manner em iwi i yung iwa da kam wa man i kam i thaw sah u Syiem wei em leh kiwa ong wa ini man i kam i thaw lehniam u.
Advertisement
Ya ini i thaw da tei da ki spah snem wei dang neh dang sah i hadooh katni, tangwa ini ye i u oor u haap noh heiwon iwon i por.
Ini i yung da chna deiwa pynemkaam ya ki moo-it, khlem em chrot wei da thaaiñ pyn da ki moo-it hi yow neh i, iwa rap yoosuk toh wa da em leh ki moo kiwa da tah da chna hei dur ki syntu wa kiwi kiwi.
Hajrong ini i yung da mih uwi u dieñ heiwa ki thied yong oo da siam ki ha ini i yung, da paar ki lyngba ki chram chadooh khyndaw.
Kini ki thied kat dang lai ki snem dang heh dang kmai ki iwa da pynkaad pyn-oor ya ki chram wei lada ym leh iwon iwon ini i yung ye i u oor cha khyndaw wei daw wiar hi-eh i deiwa neh wa sah sadu i yurim donhi.
Neiliang u Wyrta hei yatoh wa ini da yaklam u wa ka SDO ka Amlarem ka Isawanda Laloo heiwa da pyntip ko wa da yaklam ki wa u Secretary Chnong wei daw pynman leh ya ka Joint Inspection khang wow pyrkhat kammon u leh weini yow yada ya ini i thaw.
Also Read: Ka chnong Syndai ka wym hoi khlem da lai yooke dap dui phylla