Chwa wow yoh u siat naphang ya ki paidbah, kem ki pulit ya ki dkhot ka ULFA(I)

Ki pulit ka Assam da ye ki wow khanglaad yei jia wa chyrkhei deiwa yoh wow kem ya ar ngut ki dkhot ka ULFA (I) kiwa da thmu wow lai siat naphang ya ki bru paidbah ha Tinsukia.

Ya kini ki ar ngut da yoh wow kem ynnin ka sngi kiwa tip kam u Siyor Asom uwa khut siñ leh kam u Humenjyoti Baruah (27) wa u Manoj Asom uwa khut siñ kam u Papu Moran (30). Wei katkam wa pyntip ki pulit kini toh kiwa man kam ki “SS 2nd Lieutenant” ka United Liberation Front of Asom (Independent).

Na kini ki ar ngut da yoh wow kem chiboon ki tiar wa kynthup ya ar tylli ki suloi AK-56 Assault Rifles, 172 tylli kuli, ar tylli ki Hand Grenades, ki dawai, ki thyrnia, ki jait dih pynmuiad, ki yusong baam, ki muna wa ki de ki tiar wa sariem wa ki yong chipai.

Related posts

Yoo chyrkhei ki tiar yasiat wa yoh kem na ki 17 ngut kiwa pynleh kam ki dkhot ki seiñ kieñ suloi ha Manipur

October 25, 2026

Mar ya sdang ya ka Jaintia Artist Association yoh yarap Rs.10 lak na u Sniawbhalang Dhar

October 25, 2026

U SP ka Tinsukia, u Mayank Kumar da ong u wa kini ki ar ngut da kem ki na chnong Jagun iwa man i chnong wa em ha khappood wa ka Arunachal Pradesh wei katkam wa chem ka takit, ya kini da hukum wow pynyap bru hapoh ka chnong Tinsukia deiwa siat naphang yow pynkulmar ya ka chnong ka thaw.

Chooh chooh da chem leh wa kini da psiah ki cha Chanlang District ka Arunachal Pradesh lyngba ka Myanmar.