Ka Meghalaya da ye ko wow neh pyrchah ya ka Arunachal Pradesh yow pynkut ya ka yalehke khlem em wa jop ha ka Col CK Nayudu Trophy ynne ka sngi wa soo kawa man leh ka khaddooh ha Cuttack ynne ka sngi.
Deiwa pteiñ da 69/1 na iwa da ieh ynnin ha ka Innings wa ar, deiwa pyntam da 150, ka Arunachal da haap lut ki Wicket ko deiwa kamai 172 ynne ka sngi, u Bipin Kumar Ray da yoh u 3/48 ya ka Meghalaya, u Abhishek Kumar 2/33, u Adarsh Joshi 2/48 wa u Sudhir Sahani 1/21 katwa u Agreas Chamcham Sangma da yoh u 1/19 da ka Wicket wa yoh u ynnin ka sngi.
Ini da booh ya ka Meghalaya 254 yow jop deiwa sah 60 Over yow pynyoh ya ini.
I kdong da sdang i deiwa sih heiwa da em leh ngut kiwa Bat wa yoh nod tangwa da wan u Swastic Chettri (27) wa u Joydeepan Deb (40) kiwa kamai 69 neibynta ka Wicket wa soo.
Hadien ini da haap biang ki Wicket hawa poi 73 Run tangwa da wan pynlait im da u Md Asif Khan (23) wa u Joshi (12) kiwa da ye u neh slem yow pynlut ya ki Over. U Joshi da neh u 52 bol yow kamai 12 Run katwa u Khan da neh u 57 bol.
Rap cha tdong, u Agreas (3) da neh u 24 bol wa u Ray (5 not out) da neh u 37 bol yow pynkut ya ka Meghalaya da 118/8 hadien 60 Over yow yoh ki chi Point, iwa mut da yoh ki hei wa soo na ki 5 tylli ki dhab.
Ka Meghalaya daw yachem ko waka Mizoram nadooh ka 19 tark uni u bnai.
