theme-sticky-logo-alt
theme-logo-alt
Advertisement ad1

Col CK Nayudu Trophy: Pyntam ka Meghalaya yaka Sikkim da 119 Run

Advertisement ad1

Ka Meghalaya da lehbha ko da ka Bat ha ka Innings wa ar yow pynkut ya ka sngi wa ar ka Col CK Nayudu Trophy pyrchah ya ka Sikkim deiwa yoh 133/3, iwa da pyntam da 119 Run.

Deiwa pteiñ ya iwa da ieh ynnin da 48/4, ka Sikkim da lai ko wow kamai 203 All Out na ki 65.2 Over iwa da pyntam ki da 14 Run ya ka Meghalaya ha Bhubaneshwar.

Na kiwa kawang bol ka Meghalaya uwa da yoh chwa 3 Wicket ynnin ka sngi, u Abhishek Kumar da yoh u sa ar Wicket iwa da pynpoi waroh 5/53. Katwa u Bipin Kumar Ray (2/42) wa u Sudhir Sahani (2/46) da pynhaap ya ki ya kiwa leh bha kiwa Bat ka Sikkim kitæ u Rahul Kumar wa u Ankur kiwa da kamai 64 Run neibynta ka Wicket 7. Kiwi de kiwa yoh Wicket toh u Agreas Chamcham Sangma (1/37).

Hawa Bat ha ka Innings wa ar, kiwa Bat nakhmat da lehbha ki yow pynyoh ya ka Meghalaya 133/3 hadooh wa kut ka sngi, tangwa da dooh ki ya u Captain Swastic Chettri ha ka bol wa khaddooh uwa da kamai 44 Run. Uwa dang neh toh u Arien Bonchang Sangma uwa da kamai 55 na 101 bol wa kynthup ya kawi ka 6 Run.

Advertisement ad1
Share this:
Previous

Palat 80% mih kiwa thap Vote Election Dolloi ha ki ar Elaka

Next

Yoh kyrdan Ph.D ka Toba Lamare