Col CK Nayudu Trophy: Yoh ka Nagaland palat 400 Run pyrchah ya ka Meghalaya

Ka Meghalaya ha ka sngi wa ar ka Col CK Nayudu Trophy pyrchah ya ka Nagaland ha Bhubaneshwar ynne da hap ko wow kawang bol chi slem heiwa ka Nagaland da yoh ko 427/10 ha ka Innings wa nyngkong.

Deiwa pteiñ da 127/2, ka Nagaland da kamai ko sa 300 Run chwa wow haap lut ki Wicket. Wei hadooh wa kut ka yalehke ynne, ka Meghalaya da yoh ko 27/1 ha ka Innings wa ar. Ini toh hadien wa yoh ki ha Innings wa nyngkong da 132 All Out, iwa mut ka Meghalaya dang bood ko nadien da 268 Run.

Related posts

Ka Khimusniang kam ka Champion thymme ka Super Division ka WJDSA

January 31, 2026

Khut ka MFA ya ki khynnah yow chah jied hapoh ka Academy wa dang sdang thymme ko

January 29, 2026

U Abhishek Kumar da yoh u le Wicket ynne ka sngi wei da pynkut u da 4/108, katwa u Bibek Poudel da yoh u 2/34, u Sudhir Sahani 2/108, u Agreas Chamcham Sangma 1/67 wa u Bipin Kumar Ray 1/82 da yoh ki wow pynhaap Wicket ya ka Meghalaya.

U Arien Bonchang Sangma won da haap u hadien wa kamai u 10 Run ha ki Over wa 12 kiwa da hap ka Meghalaya wow Bat ynne. Kiwa dang neh toh u Aman Kumar (13 Not Out) wa u Nishanta Chakraborty (4 Not Out).