theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1

U-23 Women’s Inter District Tournament: Jop ka EKH ya ka SCA yow psiah Final ha ka Zone 1

Advertisement ad1

Ka East Khasi Hills da jop ko ya ka Shillong Cricket Association da 35 Run ha Semifinal wa nyngkong ka Zone 1 ka U-23 Women’s Inter District Cricket Tournament ha Nongstoin ynne wa da pynman da ka Meghalaya Cricket Association.

Katwa ha ka Zone 2, ka South Garo Hills da jop ko deiwa suk ya ka North Garo Hills da san Wicket ha Nongalbibra, South Garo Hills.

Ka EKH da jop ko ya ka kylla khlem wei da kamai ko 166/8 na ki 35 Over. Ka Lanosha Diengdoh wa ka Lapynhunlang Khongngain waroh ar da yoh ki mar 22 Run, katwa ka Reshma Thapa da yoh ko 3/25 deilang waka Mansi Anand 2/38 neibynta ka SCA.

Ka SCA da sdang ko yei kdong Run deiwa bha deiwa yoh ka Neha Hajong 43 nakhmat tangwa kiwi kiwa yalehke waka ym ye ki wow pynbood ya ka hadien wa haap ko heiwa ka Shillong da dooh lut ko ya ki Wicket deiwa kamai 131 na 29.4 Over deiwa dooh ki 9 Wicket deiwa kamai du 43 Run. Ka Diengdoh da pynhaap ko ya ka Hajong yow yoh waroh 3/22 wa ya i naam Player-of-the-Match.

Ha kawi won ka yalehke, ka NGH da jop ko ya ka kylla khlem wei da jied ko wow Bat tangwa da kamai ko du 68 Run deiwa dooh lut ki Wicket. Ka Skangsachuame Marak da lehbha ko ya ka NGH deiwa kamai 18 Run. Ka Jaylynn Marak da yoh ko 5/16 waka Chiame D Sangma 4/21.

Ka SGH da dooh ko 5 Wicket hawa kdong ya ka thong tangwa ka 24 Not Out naka Captain Kim D Shira da pyntikna wa da jop ki ha ka Over wa 10. Ka Julitha Sangma (3/15) katwa ka Chigame Marak (2/21) toh kiwa pynhaap Wicket.

Mynstep ha ka Semifinal wa ar ka Zone 1 daw pynman hapyrdi ka All Jaintia CA waka West Khasi Hills. Ha Zone 2, ka Tura District CA daw yachem ko waka East Garo Hills.

Share this:
Previous

Col CK Nayudu Trophy: Yoh ka Nagaland palat 400 Run pyrchah ya ka Meghalaya

Next

Sa T. 400 Klur u yoh yarap ka Meghalaya neibynta ka Jal Jeevan Mission