Kiwa yalehke U-19 ka Meghalaya da jop ki yaka Sikkim da ar Wicket haka Cooch Behar Trophy wa da pynman ha Rangpo, Sikkim.
Kani ka yalehke toh kawa da sdang haka 1 tarik wei ka Meghalaya da dep ko wow rem la ar sien.
Ka Sikkim deiwa jop yaka kylla-khlem da jied ko wow Bat nyngkong wei da kamai ko 183 All Out haka Innings wa nyngkong wei ka Meghalaya da jubab ko da 145 All Out. Haka Innings wa ar won, ka Sikkim ka kamai ko 139 All Out iwa da booh thong yaka Meghalaya 178 yow jop iwa da ye ki wow leh deiwa sah ar Wicket.
Na kiwa kawang bol ka Meghalaya, da lehbha da u Shavian Blah uwa da yoh 4/69 na ki 19 Over haka Innings wa nyngkong ka Sikkim. Kiwi de kiwa yoh Wicket toh u Kishlay Vishlux (2/24 na 6 Over), u Charm Marbaniang (2/30 na 6 Over), u Banialam Mylliemngap (1/12 na 6 Over) wa u Angkit Tamang (1/32 na 9 Over).
Na kiwa Bat ka Meghalaya da kamai boon dooh da u Pushkar Raj Singh deiwa yoh 46 Run.
Ha ka Innings wa ar, kiwa kawang bol wa da yoh Wicket toh u Angkit 3/20 na 9 Over, u Avinash Rai 2/14 na 11 Over, u Kishlay 2/24 na 11 wa u Charm 2/34 na 18 Over.
Hawa kdong yaka thong wa 178, ka Meghalaya da sdang ko deiwa biang deiwa kamai 56 Run na u Angkit wa 38 Run na u Manthan Dey deiwa yarap u Pushkar uwa yoh 35 Run. Tangwa da pynkhuslai yaka Meghalaya deiwa dooh 4 Wicket cha pyrdi deiwa kamai du 5 Run heiwa da yoh ki 164/4 cha ka 170/8.
Da pynskem yei kamai ka Avinash (27 Not Out) wa u Charm (6 Not Out) kiwa da yahluti hadooh wa poi chei jop khlem dooh Wicket de ka Meghalaya.
Ka Meghalaya kattu u lai ko cha Anand, Gujarat yow yachem yaka Arunachal Pradesh ha ka 8 tarik.
Discussion about this post