Kiwa dang yoh COVID-19 ha India da pyntam biang kawi ka sngi ya kawi ka sngi heiwa ha kini ki 24 kynta kiwa dang yoh da em ki 1,45,384 ngut, kiwa dang chait da em ki 77,567 ngut, kiwa dang yap 794 ngut iwa mut wa kiwa dang em ya uni u khñiang da ku ki da 67,023 ngut.
La soo sngi (nadooh ka 7 tarik) khlem sangeh kiwa dang yoh COVID-19 ha India da em ki palat 1 lak ngut wa haka 5 tarik uni u bnai. Hawa nujor ha u bnai Wisu, haka 2 tarik da em du 12,286 ngut kiwa yoh iwa man leh iwa duna dooh wa em kiwa yoh.
83% na kiwa dang yoh thymme toh kiwa em ha ki 10 tylli ki jylla kiwa boon dooh ha Maharashtra 58,993 ngut, Chhattisgarh 11,447 ngut, Uttar Pradesh 9,587 ngut, Delhi 8,521 ngut, Karnataka 7,95 ngut, Tamil Nadu 5,441 ngut, Kerala 5,063 ngut, Madhya Pradesh 4,882 ngut, Gujarat 4,541 ngut wa ha Rajasthan 3,970 ngut.
Waroh kiwa da chait da em ki 90.80% kiwa em 1,19,90,859 ngut, kiwa dang em ya uni u khñiang da em ki 7.93% kiwa em 10,46,631 ngut, kiwa yap 1.28% kiwa em 1,68,436 ngut, deilang dapoi 1,32,05,926 ngut kiwa da dep yoh ya uni u khñiang hapoh ka ri.
