Kiwa yoh COVID-19 ha India la ar sngi da neh ki palat 2 lak ngut iwa da pynku leh ya kiwa dang chah ktah wow kynjoh ki cha ka 13 lak ngut.
Kiwa dang yoh ha kini ki 24 kynta da em ki 2,64,202 ngut (ynnin 2,47,417), kiwa chait 1,09,345 ngut wa 315 ngut kiwa yap iwa mut wa kiwa dang chah ktah da ku ki da 1,54,542 ngut.
Ynnin ki jylla wa boon dooh wa tam da kiwa dang yoh ya kiwa chait toh ha Karnataka (22,634), West Bengal (15,302), Uttar Pradesh (13,667), Maharashtra (11,712) wa ha Kerala (10,099).
Heiyatoh wa kiwa yoh Omicron da em waroh 5,753 ngut iwa ku da 265 ngut nadooh ynnin.
Ynnin ka sngi da leh 17,87,457 tylli ki Test heiwa kiwa yoh ya u khñiang da em ki 14.78% kawa tip leh kam ka Positivity Rate kawa da ku naka 13.11% ynnin ka sngi.
Waroh kiwa dang chah ktah da em ki 12,72,073 ngut iwa mut 3.48%, kiwa da chait 3,48,24,706 ngut iwa mut 95.20% wa kiwa yap 4,85,350 ngut iwa mut 1.33%.
Heiyatoh wa i e tika da dep wow e la 1,55,39,81,819 sien heiwa ynnin ka sngi da e 73,08,669 sien.