15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

COVID-19: Ar sngi neh kiwa dang yoh hapoh 1 lak, hiar kiwa dang chah ktah hapoh 13 lak ngut

Kiwa dang yoh COVID-19 ha India da neh ki hapoh 1 lak ngut la ar sngi, kiwa chait leh pteiñ ki wow boon ya kiwa dang yoh la 27 sngi iwa da pynhiar ya kiwa dang chah ktah hapoh 13 lak ngut hadien 57 sngi.

Kiwa dang yoh COVID-19 ha kini ki 24 kynta da em ki 92,596 ngut, kiwa dang chait da em ki 1,62,664 ngut, kiwa dang yap da em ki 2,219 ngut iwa mut wa kiwa dang em ya uni u khñiang da hiar ki da 72,287 ngut.

Ha kini ki 24 kynta ki jylla wa boon da kiwa dang yoh ya kiwa dang chait da em ki 4 tylli wa kynthup ya ka Assam wa boon da kiwa dang yoh da 486 ngut, Dadra & Nagar Haveli and Daman & Diu 7 ngut, Lakshadweep 45 wa Manipur 157 ngut.

Na ki nongmuna wa Test ha kini ki 24 kynta kiwa em 19,85,967 tylli, kiwa chah ktah da em ki 4.66% kawa tip leh kam ka Positivity Rate kawa da hiar ma hiar wei kawa da em hapoh 10% la 16 sngi.

Waroh kiwa da chait da em ki 94.55% kiwa em 2,75,04,126 ngut, kiwa dang chah ktah da em ki 4.23% kiwa em 12,31,415 ngut, kiwa yap 1.22% kiwa em 3,53,528 ngut, deilang dapoi 2,90,89,069 ngut kiwa da dep yoh ya uni u khñiang hapoh ka ri.

Heiyatoh wa i e dawai tika, da dep wow e la 23,90,58,360 sien heiwa ynnin ka sngi da e 27,76,096 sien.   

Share this:
Previous

Maham yakhih ka JAC ki seiñ na Ri-loom Jaiñtia lada e wai ya ka MeECL

Next

Da pynlait ya u Khoo Rachon ha East Jaiñtia neibynta u Naiynru