15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

COVID-19: Boon kiwa chait bar ya kiwa yoh ha ki 24 kynta, da poi 72.51% kiwa chait

Ha kini ki 24 kynta kiwa chah ktah ha u COVID-19 ha India, da boon kiwa chait bar ya kiwa dang yoh katkam ka yukheiñ ka Ministry of Health & Family Welfare iwa pynpoi leh ya kiwa chait palat 19 lak ngut.

Kiwa dang chah ktah da em ki 57,981 ngut heiwa kiwa chait da em ki da em ki 57,584 iwa man leh iwa boon dooh haka chi sngi, kiwa dang yap da em 941 ngut katwa kiwa dang em ya uni u khñiang da hiar ki 544 ngut.

Da em 15 tylli ki jylla wa da hiar kiwa dang em ya u COVID-19 iwa boon dooh ha Andhra Pradesh 2193 ngut, ha Bihar 1532 ngut wa ha Telangana 1122 ngut.

Ki jylla wa boon dooh kiwa chait toh ha Andhra Pradesh 10,117 ngut, ha Maharashtra 8837 ngut, Karnataka 6680 ngut, Tamil Nadu 6019 ngut wa ha Bihar 3814 ngut.

Kiwa chait hapoh ka ri da poi ki 72.51% iwa ku naka 71.91% kiwa em waroh 19,19,842 ngut, kiwa dang em ya uni u khñiang da em ki 25.57% iwa hiar naka 26.16% kiwa em waroh 6,76,900 ngut katwa kiwa yap da em ki 1.92% kiwa em 50,921 ngut.

Kiwa chait da tam ki da 12,42,942 ngut ya kiwa dang em ya uni u khñiang iwa ku da 58,128 ngut nadooh ynnin ka sngi.

Advertisement ad1
Share this:
Previous

Da pynbna yaki yung wa em ha Lawsohtun, Lumparing wa Riat Laban kam ki Containment Area

Next

Man pho kam ka yingkhoi wa pai