Ka Ministry of Health & Family Welfare hadooh 9:30 i step ynne ka 28 tarik da pyntip ko wa kiwa em ya u khñiang COVID-19 (Active Case) da em ki 775 ngut iwa ku da 135 ngut nadooh ynnin ka sngi heiwa da em 640 ngut.
Kiwa yap da ku sa arngut heiwa da yap sa uwi ha Madhya Pradesh wa sa uwi ha Maharashtra yow poi 19 ngut katwa kiwa chait da ku cha 79 ngut naka 67 ngut.
Ka Maharashtra kawa man kawi na ki jylla wa boon dooh wa yoh ya uni u khñiang da ku cha ka 180 ngut naka 130 ngut heiwa kiwa chait da ku cha ka 25 ngut naka 15 ngut. Katwa kiwa yap da em ki 5 ngut.
Ka Kerala sa kawi ka jylla wa boon dooh wa yoh ya uni u khñiang, da poi ki waroh 173 ngut naka 137 ngut nadooh ynnin ka sngi. Kiwa chait da em ki 11 ngut wei ym pu em wa yap.
Lada kheiñ lang waroh nadooh kiwa yoh COVID-19 kiwa kynthup yaki nong India, ki baar ri, kiwa da chait wa kiwa da yap da poi 971 ngut. Na kini 826 ngut toh ki nong India, 47 ngut ki baar ri, 79 ngut kiwa da chait wa 19 ngut kiwa yap.
Discussion about this post