Ka sorkar pyrdi ynne ka 27 tarik da pyntip ko wa waroh kiwa da yoh ya u khñiang COVID-19 da em ki 640 ngut wei da ku da 75 ngut kiwa yoh hapoh 24 kynta wei da yap sa uwi yow poi waroh 17 ngut naka 16 ngut ynnin ka sngi deiwa yap uwi ha Jammu & Kashmir.
Lada kheiñlang waroh nadooh kiwa dang em ya uni u khñiang, kiwa da chait wa kiwa da yap da poi 724 ngut. Kiwa da chait da ku chaka 67 ngut naka 45 ngut.
Ha iwi tawon, ka USA da tam ko yaka China ya kiwa yoh ya u khñiang COVID-19 kiwa da poi 82,404 ngut katkam wa kheiñ ka Johns Hopkins University.
Ini da pynbor ko ya u President ka America u Donald Trump wow yaklam wa u President ka China u Xi Jingping kammon wa ka China da ye ko wow yaleh pyrchah ya uni u khñiang.
Kamwa man kattæ, ka USA da em ko 86,012 ngut waka Italy 86,498 ngut da tam ki yaka China kawa em 81,340 ngut kam kiwa boon dooh wa yoh ya u khñiang COVID-19 wei hadien ka China da em ka Spain, Germany, Iran, France, United Kingdom, Switzerland kiwa waroh da tam 10,000 ngut kiwa yoh.
Ka Italy da man ko leh ka ri wa boon dooh wa yap na uni u khñiang kiwa da tam 9000 ngut. Ki ri waroh kiwa yoh ya uni u khñiang da tam ki 200 tylli.
Discussion about this post