15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

COVID-19: Da 80 lak tam kiwa da chait ya kiwa dang chah ktah ha India

Hadien wa chi sngi wa boon da kiwa dang yoh COVID-19 ya kiwa chait ha India, ha kini ki 24 kynta da boon biang kiwa chait kiwa da em 49,715 ngut, kiwa dang yoh da em ki 46,232 ngut, kiwa dang yap 564 ngut iwa mut wa kiwa dang em ya uni u khñiang da duna ki da 4,047 ngut.

Ka laad pathai khubor ka sorkar pyrdi da pyntip ko leh wa kam chibynta ka thong wow leh 10 lak tylli ki Test ha ka chi sngi, ha kini ki 24 kynta da dep wow leh 10,66,022 tylli ki Test iwa da pynpoi ya waroh ki Test wa da dep leh cha ka 13,06,57,808 tylli.

Na ki Test wa da dep leh man ka sngi, deiwa kheiñlang kiwa yoh ya uni u khñiang da em ki 6.93% katwa ynnin ka sngi da em ki 4.34%.

78% kiwa dang yoh ya uni u khñiang da em ki ha ki 10 tylli ki jylla kiwa boon dooh ha Delhi 6,608 ngut, Kerala 6,028 ngut, Maharashtra 5,640 ngut, West Bengal 3,636 ngut, Haryana 3,104 ngut, Uttar Pradesh 2,840 ngut, Rajasthan 2,762 ngut, Chhattisgarh 1,842 ngut, Karnataka 1,781 ngut wa Tamil Nadu 1,688 ngut.

78% kiwa dang chait leh em ki ha ki 10 tylli ki jylla kiwa boon dooh ha Delhi 8,775 ngut, Maharashtra 6,945 ngut, Kerala 6,398 ngut, West Bengal 3,850 ngut, Haryana 2,508 ngut, Uttar Pradesh 2,220 ngut, Karnataka 2,181 ngut, Tamil Nadu 2,173 ngut, Rajasthan 1,993 ngut wa ha Andhra Pradesh 1,829 ngut.

Waroh kiwa da chait da em ki 93.67% iwa ku naka 93.60% kiwa em 84,78,124 ngut, kiwa dang em ya uni u khñiang da em ki 4.86% kiwa hiar naka 4.93% kiwa em 4,39,747 ngut, wa 1.47% kiwa yap kiwa em 1,32,726 ngut iwa da poi waroh 90,50,597 ngut kiwa da dep yoh ya uni u khñiang hapoh ka ri.

Kiwa chait da tam ki da tam ki da 80,38,377 ngut ya kiwa dang em ya uni u khñiang iwa ku da 53,762 ngut nadooh ynnin ka sngi.

Advertisement ad1
Share this:
Previous

E por ka KSU yaka JHADC 10 sngi wow lai khynra Trading License

Next

Daw pynman ka Meghalaya High Court daka Photo Exhibition kam chibynta ka Constitution Day