15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

COVID-19: Da boon biang kiwa dang chait bar ya kiwa dang yoh, da poi 84.13% kiwa da chait ha India

Kiwa dang yoh COVID-19 da boon ki ya kiwa dang yoh ha kini ki 24 kynta ha India heiwa kiwa chait da em ki 82,260 ngut katwa kiwa dang yoh da em ki 75,829 ngut wa 940 ngut kiwa dang yap iwa mut wa kiwa dang em ya uni u khñiang da duna ki da 7,371 ngut katkam i yukheiñ ka Ministry of Health & Family Welfare.

Kiwa boon dooh kiwa dang chait toh ha Maharashtra 16,835 ngut, Karnataka 8989 ngut, Andhra Pradesh 7789 ngut, Tamil Nadu 5596 ngut, Uttar Pradesh 4860 ngut, Kerala 4476 ngut, Odisha 4066 ngut wa ha Delhi 3440 ngut.

Da em leh 23 tylli ki jylla wa da boon kiwa dang chait bar ya kiwa dang yoh ya uni u khñiang kiwa boon dooh ha Mahrashtra 2765 ngut, Andhra Pradesh 1615 ngut, Uttar Pradesh 1289 ngut, Delhi 1216 ngut wa ha Odisha 1030 ngut.

Kiwa da chait hapoh ka ri da em ki 84.13% kiwi ku naka 83.84% kiwa em 55,09,966 ngut; kiwa dang em ya uni u khñiang em ki 14.32% kiwa hiar naka 14.60% kiwa em 9,37,625 ngut; wa 1.55% kiwa yap kiwa em 1,01,782 ngut. Waroh da poi 65,49,373 ngut kiwa da dep yoh ya uni u khñiang.

Kiwa chait da tam ki da 45,72,341 ngut ya kiwa dang em ya uni u khñiang iwa ku da 89,631 ngut nadooh ynnin ka sngi.

Share this:
Previous

Da phah khang yaka yung krehkaam ka Social Welfare 5 sngi

Next

Ka Fully Niang ym du i burom wanrah ko ya ka chnong tangwa i myntoi leh ya ki khynnah ka Shangpung