La 5 sngi kiwa dang yoh COVID-19 ha India da neh ki hapoh 20,000 ngut heiwa ha kini ki 24 kynta kiwa dang yoh da em ki 18,088 ngut, kiwa dang chait da em ki 21,314 ngut, kiwa dang yap 264 ngut iwa mut wa kiwa dang em ya uni u khñiang da hiar ki da 3,490 ngut. Kiwa yap da neh ki hapoh 300 ngut la 12 sngi iwa mut wa em uwi wa yap ha man ki 10 lak ngut ki bru ha kini ki 7 sngi wa dep.
Kiwa chait leh da kynjoh ki cha ka 1 klur ngut kiwa em katni 99.97 lak ngut, kiwa dang chah ktah da hiar ki cha ka 2.27 lak ngut katwa kiwa yap da tam ki 1.50 lak ngut.
76% na kiwa dang chait toh kiwa em ha ki 10 tylli ki jylla kiwa boon dooh ha Kerala 4,922 ngut, Maharashtra 2,828 ngut, Chhattisgarh 1,651 ngut, Karnataka 1,377 ngut, West Bengal 1,155 ngut, Tamil Nadu 971 ngut, Uttar Pradesh 928 ngut, Gujarat 868 ngut, Madhya Pradesh 839 ngut wa ha Rajasthan 751 ngut.
79% na kiwa dang yoh toh kiwa em ha ki 9 tylli ki jylla kiwa boon dooh ha Kerala 5,615 ngut, Maharashtra 3,160 ngut, Chhattisgarh 1,021 ngut, Tamil Nadu 820 ngut, Karnataka 815 ngut, West Bengal 812 ngut, Uttar Pradesh 729 ngut, Madhya Pradesh 729 ngut wa ha Gujarat 655 ngut.
Waroh kiwa da chait da em ki 96.36% iwa ku naka 96.32% kiwa em 99,97,272 ngut; kiwa dang em ya uni u khñiang da em ki 2.19% kiwa hiar naka 2.23% kiwa em 2,27,546 ngut; 1.45% kiwa yap kiwa em 1,50,114 ngut, deilang da poi 1,03,74932 ngut kiwa da dep yoh ya uni u khñiang hapoh ka ri.
Kiwa chait da tam ki da tam ki da 97,69,726 ngut ya kiwa dang em ya uni u khñiang iwa ku da 24,804 ngut nadooh ynnin ka sngi.
