15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Syntu Ksiar! Ka Thaw Uiñke Pyngngad

Advertisement ad1

Da u- Shimphang Lyngdoh

Syntu Ksiar i pyrtuid yong pha,
Kam ka thaw uiñke wa em naam bha;
Chiboon ki kaam na pha wa mih,
Ya ki nong Jowai pha wa pynyoh khih.

U kba u khoo wa ki kaam ki jaam,
Chiboon ki nongdai wa ki nongthied;
Ki Tourist da wan nadooh ri sep sngi,
Ya pha u li pait ya pha u li sylli.

I khooid i jngiar emkaam bha ki,
Ki klong ki plastic ham noh cheitu cheini;
Yow khriñ chooh ko ya phi ya nga,
Iwa emkaam dooh toh i khooid i suba.

Ka um wa thai na ka wah Myntdu,
Kaam ka la-ær wa bih yong ki syntu;
Ki dakha boonjait ha ka wa em,
Ya ki rawon wa pyndooh thiah dooh dem.

Heipor liyur da ki rong yirngam,
Ya ki masi ki blang pha wa e baam;
I raw i rkhiang kam heini i por,
Ka samoi tlang da ka thah ka yor.

Share this:
Previous

Pynkup burom ka KSU Shangpung Unit daka Mait Shaphrang Academic Award ya kiwa leh bha ha ki Exam

Next

COVID-19: Da kynjoh 1 klur ngut kiwa da chait ha India