Kiwa yoh COVID-19 ha Manipur da kynjoh ki 5000 ngut deiwa em 4,925 ngut hadien wa em 49 ngut kiwa dang yoh thymme hadooh ynnin ka sngi.
Na kini kiwa dang yoh thymme 40 ngut toh ki bru paidbah wa 9 ngut ki bru Central Armed Police Forces (CAPF). Kini ki bru paidbah ym toh kiwa lai wa wan cha jngai kiwa 19 ngut na Imphal West, 6 ngut na Imphal East, 4 na Bishnupur, 1 na Chandel, 2 na Ukhrul, 1 na Senapati wa 7 ngut na Thoubal.
Ynnin da em leh 117 ngut kiwa chait kiwa da poi waroh 3002 ngut katwa kiwa dang em ya uni u khñiang toh 1905 ngut (1030 ki bru paidbah wa 875 ngut ki bru chipai).
Ha Nagaland kiwa dang yoh COVID-19 hadooh ynne i step da em ki 36 ngut kiwa da chem deiwa Test ya 742 tylli ki Sample.
Kiwa dang yoh toh 17 ngut kiwa na Kohima, 10 na Dimapur, 7 na Zunheboto wa 2 na Peren iwa dapynpoi ya waroh kiwa da dep yoh 3619 ngut heiwa kiwa chait da em ki 1921 ngut, kiwa dang em ya uni u khñiang em ki 1684 ngut wa 7 ngut kiwa yap.
