15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Advertisement ad1

COVID-19: Da tam 29 lak kiwa yoh wa 21 lak kiwa chait ha India

Advertisement ad1

Kiwa yoh COVID-19 ha India da tam ki 29 lak ngut katwa kiwa chait da tam ki 21 lak ngut ha kini ki 24 kynta hadien wa em 68,898 ngut kiwa dang chah ktah hadooh ynne i step ka 21 tarik katkam ka yukheiñ ka Ministry of Health and Family Welfare.

Kiwa dang chait da em ki 62,282 ngut iwa man leh iwa boon dooh haka chi sngi, kiwa dang em ya uni u khñiang da ku ki da 5,633 ngut katwa kiwa dang yap da em ki 983 ngut.

Ki jylla wa boon dooh kiwa chait toh ha Maharashtra 12,243 ngut, Andhra Pradesh 8846 ngut, Karnataka 6231 ngut, Uttar Pradesh 5863 ngut, Tamil Nadu 5742 ngut, Bihar 3256 ngut wa ha West Bengal 3126 ngut.

Ki jylla wa boon dooh wa hiar kiwa dang em u COVID-19 toh ha Uttar Pradesh 1134 ngut wa ha Assam 1045 ngut.

Deiwa kheiñ yaka Recovery Rate namo kiwa chait ha jar jiar ki jylla, ka Delhi toh kawa boon dooh kawa da poi 90% kiwa chait kiwa em 1,41,826 ngut katwa kiwa dang em ya uni u khñiang da em ki 11,271 ngut.

Hapoh ka ri kiwa chait da em ki 74.30% iwa ku naka 73.91% kiwa em 21,58,946 ngut, kiwa dang em ya uni u khñiang da em ki 23.82% iwa hiar naka 24.20% kiwa em 6,92,028 ngut katwa kiwa yap da em ki 1.89% kiwa em 54,849 ngut. Waroh da em 29,05,823 ngut kiwa da dep yoh COVID-19.

Kiwa chait da tam ki da 14,66,918 ngut ya kiwa dang em ya uni u khñiang iwa ku da 56,649 ngut nadooh ynnin ka sngi.

Share this:
Previous

Da toh ieh mylliñ ya kawi ka phone ha Jowai

Next

COVID-19: Da kynjoh 5000 ngut kiwa yoh ha Manipur wa 4000 ha Nagaland