15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

COVID-19: Da tam 1 klur kiwa da dep yoh, 95.50 lak ngut kiwa da chait ha India

Advertisement ad1

Ka India da man ko ka ri wa ar hadien ka USA wow em palat 1 klur kiwa da dep yoh ya u COVID-19 iwa da poi cha uni u moomær ha kini ki 24 kynta deiwa em 25,152 ngut kiwa dang yoh, kiwa dang chait 29,885 ngut, kiwa dang yap 347 ngut iwa mut wa kiwa dang em ya uni u khñiang da duna ki da 5,080 ngut.

Kiwa dang yoh COVID-19 da em ki hapoh 30,000 ngut la 6 sngi wei kiwa chait da tam ki ya kiwa dang yoh la 21 sngi khlem sangeh iwa da pynduan ya kiwa dang em ya uni u khñiang wow jan em ki hapoh 3 lak ngut kiwa em katni 3.08 lak ngut. Heiwa ki jylla/UT wa da em palat 90% kiwa da chait da em ki 34 tylli.

Deiwa kheiñ ya kiwa dang em ya uni u khñiang ha man ki 10 lak ngut, ha India da em 223 ngut iwa duna bha na ki ri hapoh pyrthai wei hawa nujor waka USA, ka em ko 21,612 ngut kiwa dang em ya uni u khñiang ha man ka 10 lak ngut ki bru.

Na kiwa dang chait, 75% toh kiwa em ha ki 10 tylli ki jylla kiwa boon dooh ha Kerala 4,701 ngut, Maharashtra 4,467, West Bengal 2,729 ngut, Delhi 2,160 ngut, Rajasthan 1,655 ngut, Uttar Pradesh 1,584 ngut, Madhya Pradesh 1,450 ngut, Chhattisgarh 1,325 ngut, Tamil Nadu 1,170 ngut wa ha Haryana 1,164 ngut.

74% kiwa dang yoh toh kiwa em ha ki 10 tylli ki jylla kiwa boon dooh ha Kerala 5,456 ngut, West Bengal 2,239 ngut, Maharashtra 1,960 ngut, Delhi 1,418 ngut, Chhattisgarh 1,413 ngut, Uttar Pradesh 1,407 ngut, Karnataka 1,222 ngut, Madhya Pradesh 1,181 ngut, Tamil Nadu 1,134 ngut wa ha Rajasthan 1,076 ngut.

Waroh kiwa da chait da em ki 95.46% iwa ku naka 95.40% kiwa em 95,50,712 ngut; kiwa dang em ya uni u khñiang da em ki 3.09% iwa hiar naka 3.15% kiwa em 3,08,751 ngut; 1.45% kiwa yap wa em 1,45,136 ngut, deilang da poi 1,00,04,599 ngut kiwa da dep yoh ya uni u khñiang hapoh ka ri.

Kiwa chait da tam ki da 92,41,961 ngut ya kiwa dang em ya uni u khñiang iwa ku da 34,965 ngut nadooh ynnin ka sngi.

Share this:
Previous

Beiñ joor ka JSU-Khliehriat ya kiwa tynyap yaka khynnah skur

Next

Beiñ wei dawa kem ka seiñ kur Swer Langstang Suiam Jaiñtia ya kiwa pynyap yaka khon ka kur