15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

COVID-19: Da tam 20 lak kiwa da yoh, 62 hajar tam kiwa dang chah ktah haka chi sngi ha India

Hadien 8 sngi wa da tam bait man-ka-sngi 50 hajar ngut kiwa chah ktah ha u COVID-19 ha India, ynne haka sien wa nyngkong da tam 60 hajar deiwa em 62,538 ngut kiwa chah ktah ha kini ki 24 kynta katkam ka yukheiñ ka Ministry of Health & Family Welfare.

Na kini kiwa dang chah ktah, da em 49,769 ngut kiwa chait, kiwa dang em ya uni u khñiang da ku da 11,883 ngut wei da em leh sa 886 ngut kiwa yap.

Ki jylla wa boon dooh kiwa chait toh ha Maharashtra wa em 10,854 ngut, Andhra Pradesh 8,516 ngut, Tamil Nadu 6,272 ngut waka Karnataka 5,602 ngut.

Ki jylla wa ku dooh kiwa dang yoh COVID-19 toh ha Bihar 1887 ngut, Andhra Pradesh 1740 ngut, Uttar Pradesh 1681 ngut, Karnataka 1110 ngut waka Telangana 1059 ngut.

Kiwa chait hapoh ka ri da em ki 67.62% kiwa em 1,378,105 ngut, kiwa dang em ya uni u khñiang da em ki 30.31% kiwa em 607,384 ngut wa 2.07% kiwa yap kiwa em 41,585. Waroh da em 20,27,074 ngut kiwa da dep yoh ya uni u khñiang.

Kiwa da chait da tam ki da 7,70,721 ngut ya kiwa dang em ya uni u khñiang iwa ku da 37,886 ngut nadooh ynnin ka sngi.

Advertisement ad1
Share this:
Previous

Khlaad noh u HS Shylla

Next

Ka National Education Policy daw pynkylla ko yei kwah lai puræ Doctor, Engineering donhi: Modi