La 4 sngi kattu ha ri India, kiwa chah ktah ha u COVID-19 da tam bait ki 60 hajar ngut heiwa ha kini ki 24 kynta da em 62,064 ngut kiwa dang chah ktah katkam ka yukheiñ ka Ministry of Health & Family Welfare.
Na kini kiwa dang chah ktah da em 54,859 ngut kiwa chait iwa man leh iwa boon dooh haka chi sngi hadooh kattæ iwa da pynpoi leh ya waroh kiwa da chait cha ka 15 lak ngut. Kiwa yap da em ki 1,007 ngut iwa man leh iwa boon dooh haka chi sngi. Kiwa dang em ya uni u khñiang da ku ki da 6,198 ngut.
Ki jylla wa boon dooh kiwa chait toh ha Maharashtra kiwa em 13,348 ngut, Andhra Pradesh 9097 ngut, Tamil Nadu 6020 ngut, Karnataka 4670 ngut, Bihar 2915 ngut wah ha Uttar Pradesh 2817 ngut.
Ki jylla wa ku dooh kiwa dang yoh COVID-19 toh ha Uttar Pradesh kawa em 1713 ngut, Andhra Pradesh 1626 ngut, Bihar 1237 wa ha Karnataka 1208 ngut.
Kiwa chait hapoh ka ri da em ki 69.33% iwa ku naka 68.78% kiwa em 15,35,743 ngut, kiwa dang em ya uni u khñiang da em ki 28.66% iwa hiar naka 29.20% kiwa me 6,34,945 ngut katwa kiwa yap da em ki 2.00% kiwa em 44,386 ngut. Waroh da em 22,15,074 ngut kiwa da dep yoh COVID-19 ha India.
Kiwa chait da tam ki da 9,00,798 ngut ya kiwa dang em ya uni u khñiang iwa ku da 48,661 ngut nadooh ynnin ka sngi.
