Hadien arsngi wa em bait palat 90 hajar ngut kiwa chah ktah ha u COVID-19 ha India, ha kini ki 24 kynta hadooh ynne i step ka 8 tarik da hiar cha 75,809 ngut kiwa dang chah ktah katkam ka yukheiñ ka Ministry of Health & Family Welfare.
Kiwa dang chait da em ki 73,521 ngut iwa pynpoi ya kiwa chait cha ka 33 lak ngut, kiwa yap da em sa 1,133 ngut katwa kiwa dang em ya uni u khñiang da ku ki da 1,155 ngut.
Ki jylla wa boon dooh kiwa dang chait toh ha Maharashtra 14,922 ngut, Andhra Pradesh 10,055 ngut, Karnataka 7897 ngut, Tamil Nadu 5930 ngut, Uttar Pradesh 4993 ngut wa ha Odisha 3034 ngut.
Da em leh 16 tylli ki jylla wa da hiar kiwa dang em ya uni u khñiang kiwa boon dooh toh ha Karnataka 2265 ngut wa ha Andhra Pradesh 1757 ngut.
Kiwa chait hapoh ka ri da em ki 77.65% iwa ku naka 77.31% kiwa em 33,23,950 ngut. Kiwa chait da em ki 20.65% iwa hiar naka 20.99% kiwa em 8,83,697 ngut katwa kiwa yap da em ki 1.70% kiwa em 72,775 ngut. Waroh da em 42,04,613 ngut kiwa da dep yoh COVID-19 ha India.
Kiwa chait da tam ki da 24,40,253 ngut ya kiwa dang em ya uni u khñiang iwa ku da 72,366 ngut nadooh ynnin ka sngi.
