Kiwa dang chah ktah ha u COVID-19 ha India da em biang ki palat 70 hajar la le sngi deiwa em sa 76,472 ngut ha kini ki 24 kynta hadooh ynne i step ka 29 tarik iwa da pynpoi ya waroh kiwa da yoh ya uni u khñiang palat 34 lak ngut katkam ka yukheiñ ka Ministry of Health & Family Welfare.
Kiwa dang chait da em ki 65,050 ngut, kiwa yap da em sa 1,021 ngut katwa kiwa dang em ya uni u khñiang da ku ki da 10,401 ngut.
Ki jylla wa boon dooh kiwa chait toh ha Maharashtra 11,607 ngut, ha Andhra Pradesh 8463 ngut, Karnataka 7464 ngut, Tamil Nadu 5752 ngut, Uttar Pradesh 4986 ngut, West Bengal 3286 ngut wa ha Bihar 3277 ngut.
Ki jylla wa boon dooh wa ku kiwa dang em ya uni u khñiang toh ha Maharashtra 2489 ngut, ha Andhra Pradesh 1982 ngut, ha Karnataka 1360 ngut, Odisha 1171 ngut wa ha Telangana 1067 ngut.
Kiwa chait hapoh ka ri da em ki 76.47% iwa ku naka 76.28% kiwa em 26,48,998 ngut, kiwa dang em ya uni u khñiang da em ki 21.72% iwa hiar naka 21.90% kiwa em 7,52,424 ngut wa 1.81% kiwa yap kiwa em 62,550 ngut. Waroh da poi 34,63,972 ngut kiwa da dep yoh COVID-19.
Kiwa chait da tam ki da 18,96,574 ngut ya kiwa dang em ya uni u khñiang iwa ku da 54,649 ngut nadooh ynnin ka sngi.
