15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

COVID-19: Da tam 60 lak kiwa da chait, sa 12.30% kiwa dang chah ktah ha India

Advertisement ad1

La 8 sngi khlem sangeh da boon bait da kiwa dang chait bar ya kiwa dang yoh COVID-19 ha India heiwa ha kini ki 24 kynta da em 89,154 ngut kiwa dang chait, 74,383 ngut kiwa dang yoh, 918 ngut kiwa dang yap iwa mut wa kiwa dang em ya uni u khñiang da duna ki da 15,689 ngut katkam ka yukheiñ ka Ministry of Health & Family Welfare.

Kiwa dang chait kiwa boon dooh toh ha Maharashtra 26,440 ngut, Karnataka 8,337 ngut, Kerala 7,570 ngut, Andhra Pradesh 6,659 ngut, Tamil Nadu 5,222 ngut, Uttar Pradesh 4,063 ngut, Odisha 3,885 ngut wa ha West Bengal 3,032 ngut.

Advertisement ad1

Da em leh 26 tylli ki jylla kiwa da boon kiwa dang chait ya kiwa dang yoh ha kini ki 24 kynta kiwa boon dooh ha Maharashtra 15,332 ngut, Uttar Pradesh 1,077 ngut, Andhra Pradesh, 1,041 ngut wa ha Madhya Pradesh 556 ngut.

Waroh kiwa da chait hapoh ka ri da em ki 86.17% iwa ku naka 85.81% kiwa em 60,77,976 ngut; kiwa dang em ya uni u khñiang da em ki 12.30% kiwa hiar naka 12.65% kiwa em 8,67,496 ngut wa 1.54% kiwa yap kiwa em 1,08,334 ngut. Waroh da poi 70,53,806 ngut kiwa da dep yoh ya uni u khñiang.

Kiwa da chait da tam ki da 52,10,480 ngut ya kiwa dang em ya uni u khñiang iwa ku da 1,04,843 ngut nadooh ynnin ka sngi.

Share this:
Previous

Da pynbna ya i Quarter ka Rhino Cantonment kam i Micro Containment Area

Next

Pynkha chnat krehkaam wa thymme ka EJNC