Kiwa dang yoh thymme ya u COVID-19 ha India da pteiñ ki wow duna heiwa hadien 5 sngi da hiar biang ki hapoh ka 60 hajar deiwa em 55,722 ngut ha kini ki 24 kynta, kiwa chait da pteiñ hi ki wow tam ya kiwa dang yoh kiwa da em ki 66,722 ngut, kiwa dang yap da em 579 ngut iwa duna dooh ha kini ki 5 sngi wei ini da mut wa kiwa dang em ya uni u khñiang da duna ki da 11,256 ngut katkam ka yukheiñ ka Ministry of Health & Family Welfare.
Kiwa boon dooh kiwa dang chait toh ha Maharashtra 11,204 ngut, Kerala 8,410 ngut, Karnataka 8,344 ngut, Tamil Nadu 4,929 ngut, Andhra Pradesh 4,591 ngut, Uttar Pradesh 3981 ngut wa ha West Bengal 3113 ngut.
Ha kini ki 24 kynta, 29 tylli ki jylla na ki 35 tylli toh kiwa da boon da kiwa dang chait ya kiwa dang yoh kiwa boon dooh wa tam ha Maharashtra 2,294 ngut, Uttar Pradesh 1,524 ngut, Karnataka 1,383 ngut, Tamil Nadu 1,071 ngut, Telangana 952 ngut wa ha Kerala 801 ngut.
Kiwa chait waroh da em ki 88.26% kiwa ku naka 88.03% kiwa em 66,63,608 ngut, kiwa dang em ya uni u khñiang da em ki 10.23% kiwa da hiar naka 10.45% kiwa em 7,72,055 ngut wa 1.52% kiwa yap kiwa em 1,14,610 ngut. Waroh da poi 75,50,273 ngut kiwa da dep yoh ya uni u khñiang hapoh ka ri.
Kiwa da chait da tam ki da 58,91,553 ngut ya kiwa dang em ya uni u khñiang iwa ku da 77,655 ngut nadooh ynnin ka sngi.
