15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

U khang ka SBI Main Branch neidaw wa em wa yoh COVID-19

Advertisement ad1
Advertisement ad1

Shillong: Neidaw wa em wa yoh COVID-19 wei kamjooh da pyntip u Incident Commander wa Medical Officer In-charge ka Zone –III wa kini kiwa yoh COVID-19 toh ha State Bank of India, Main Branch, Shillong, kamtæ ka Deputy Commissioner, East Khasi Hills District da pynmih hukum ko ynne ka 18 tarik yow phah khang ya waroh kawi ka yung krehkaam ka SBI, Main Branch, Shillong haka 19 tarik uni u bnai yow ye u siat dawai yaka wei yow ye u leh yei booddien ya kiwa em hei maa wow yoh ya uni u khñiang kamjooh yow yada yaki paidbah nei poor uni u khñiang.

Ka hukum da ong ko wa haka 20 waka 21 tarik uni u bnai, kani ka Bank u wai ko du neibynta ki kaam wa emkkam (Essential Banking Service) wei ki paidbah ym ye ki wow wan yow leh yei kaam yong ki.

Advertisement ad1

Ha kawi won ka hukum, hadien wa da dep wow leh yeiwa emkaam wei da yoh yaki Report, ka District Magistrate, East Khasi Hills District da pynmih hukum ko ynne ka 18 tarik yow pyndam yei pynman Containment Area ya i Sumarlin Kharsati Compound wa em ha Jaiaw Laitdom, i Flat No.2 Greenview Apartments, Harisabha Laban, i Compound u Tamal Bhattacherjee, Rilbong hajan Beat House, i Top Floor i yung Building u Sandy Marbaniang, Oxford Hills, COJC Church, hajan Oxford Community Hall, i Flat u K. Dev (uwa chong wai) ha Top Floor ka “ROSMON” Building, Laban Last Stop, i Apartment No. 8 u Bindu Kumari, E. Shylla Building wa em pyrchah yaka Dew Drop Guest House, Rilbong, i yung u Ainuddin Sheikh ha Dhankheti, Malki, i yung u Libialin Kharmudai ha Khliehshnong, Malki, i Top Floor ka “Karmakar Eternity” House No. 32, Ward No. 24, Ripple Side cheiliang ka Last Stop, Laban wa i yung u Kwadalin Kharbani ha Nongpyngrope, Malki.

Share this:
Previous

Da khang yei dai i thied ya ki Herbicide ha West Garo Hills

Next

COVID-19: Da tam 66 lak kiwa chait kiwa da em 88.26% ha India