La soo sngi wa ynne, kiwa dang yoh COVID-19 ha India da em ki hapoh 50 hajar ngut heiwa ha kini ki 24 kynta kiwa dang yoh da em ki 49,881 ngut, kiwa dang chait da em ki 56,480 ngut, kiwa dang yap 517 ngut iwa mut wa kiwa dang em ya uni u khñiang da duna ki da 7,116 ngut katkam ka yukheiñ ka Ministry of Health & Family Welfare.
Kiwa chait dang pteiñ hi ki wow boon ya kiwa dang yoh nadooh ka 4 tarik uni u bnai heiwa ha kini ki 24 kynta kiwa boon dooh kiwa dang chait toh ha Maharashtra 8,430 ngut, Kerala 7,660 ngut, Karnataka 6,260 ngut, Delhi 4,128 ngut, West Bengal 3,925 ngut, Tamil Nadu 3,859 ngut wa ha Andhra Pradesh 3,609 ngut.
Da em leh 24 tylli ki jylla kiwa da boon da kiwa dang chait ya kiwa dang yoh ha kini ki 24 kynta kiwa boon dooh ha Karnataka 3,169 ngut, Maharashtra 1,783 ngut, Tamil Nadu 1,378 ngut wa ha Assam 1,042 ngut.
Kiwa da chait hapoh ka ri da poi ki 90.99% iwa ku naka 90.85% kiwa em 73,15,989 ngut; kiwa dang em ya uni u khñiang da em ki 7.51% kiwa hiar naka 7.64% kiwa em 6,03,687 ngut wa 1.50% kiwa yap kiwa em 1,20,527 ngut. Waroh kiwa da dep yoh da em ki 80,40,203 ngut.
Kiwa chait da tam ki da 67,12,302 ngut iwa ku da 63,596 ngut nadooh ynnin ka sngi.
