Ka Jaiñtia Students Movement-Jowai Circle hadien wada wa pyntip uwi u bru wa em i duna hei bynta i doh i pran uwa sah ha Mooralong, Jowai uwa em kurim wa kawi ka khon khian, wa ka kurim yong oo wym yoh laad de ko u lai khih lai kreh neidaw wa oo em u hei kjut i chitom.
Katwa kamtæ neiliang ka seiñ da lai yarap ko yaka yung uni u bru u da u khoo kawa man leh ka sien wa ar.
Kamtæ ha ka 28 tarik uni u bnai hei yahkhmat u President ka Jowai Circle u Nick S Sungoh da yoh laad ki wow e mynsien kamjooh wow e yarap sñiawbha.
Neiliang ka seiñ da kular ko ya uni u bru wow yarap yaklam yow yarap ya o daka Cycle yow yoh laad u chong u pynemkaam hawa lai kreh u cha ka dukan wa chna Mobile u.
Ka seiñ da dep yaklam ko wa ki Doctor wa em ha Civil Hospital, Ialong wow yarap ya uni u bru, heiwa da pyntip cha ki wa kamwa man kattæ da lut ki Cycle neibynta kitu kiwa duna hei doh i pran wei daw booh ki yei pyrtuid yong oo yow paan na ka sorkar.
Ka seiñ da kular ko wa daw booddien ko heiyatoh wa ini i kaam khnang wow yoh u ya kani ka Cycle.