La ar sngi kiwa dang yoh COVID-19 ha India da em ki hapoh 2 lak ngut wei kiwa dang chait da tam ki ya kiwa dang yoh la 16 sngi khlem sangeh heiwa ha kini ki 24 kynta kiwa dang yoh da em ki 1,73,790 ngut, kiwa dang chait da em ki 2,84,601 ngut, kiwa dang yap da em ki 3,617 ngut iwa mut wa kiwa dang em ya uni u khñiang da hiar ki da 1,14,428 ngut.
Ha kini ki 24 kynta da leh 20,80,048 tylli ki Test heiwa kiwa yoh (Positivity Rate) da em ki 8.36% iwa man leh la 5 sngi wa da neh ka Positivity Rate hapoh 10%.
Ha kini ki 24 kynta leh da em du 5 tylli ki jylla wa boon da kiwa yoh ya kiwa chait kiwa ha Arunachal wa tam da kiwa dang yoh da 162 ngut, Manipur 140 ngut, Mizoram 120 ngut, Nagaland 49 ngut wa ha Sikkim 190 ngut.
Da em leh du 6 tylli ki jylla wa em palat 10,000 ngut kiwa dang yoh kiwa ha Tamil Nadu 31,079, Karnataka 22,823 ngut, Kerala 22,318 ngut, Maharashtra 20,740 ngut, Andhra Pradesh 14,429 ngut wa ha West Bengal 12,193 ngut.
Ki jylla wa em palat 1 lak ngut kiwa dang chah ktah toh ha Karnataka 3,72,394 ngut, Tamil Nadu 3,12,386 ngut, Maharashtra 2,91,848 ngut, Kerala 2,38,210 ngut, Andhra Pradesh 1,80,362 ngut, West Bengal 1,09,806 ngut wa ha Odisha 1,02,165 ngut.
Waroh kiwa da chait da em ki 90.80% kiwa em 2,51,78,011 ngut, kiwa dang chah ktah 8.04% kiwa em 22,28,724 ngut, kiwa yap 1.16% kiwa em 3,22,512 ngut, deilang dapoi 2,77,29,247 ngut kiwa da dep yoh ya uni u khñiang hapoh ka ri.
Heiyatoh wa i e dawai tika COVID-19 hapoh ka ri, da dep wow e la 20,86,12,834 sien heiwa ynnin ka sngi da e 28,07,411 sien.
