Da u: Shimphang Lyngdoh, Lumputhoi
Kani ka pyrthai toh ka rynsan,
I im man ko kai i drama;
Ki bru kam kiwa yalehke,
U Blai wa stat wa pynlai ya ka.
I im wa sdang da i kmen,
U kut won i dei sñiawsih;
Yeitæ waroh ha i daw chem,
Ki Ar-Umkhmat na i daw mih.
I chem u bru heini ha pyrthai,
Le-Rukom dei jan wym em ya jngai;
I kmen i sñiawsih wa i kjut nood,
Dei parom da biah hapyrdi narood.
U im dei hok næ u im dei pap?
U nar dei sarang pyn i jabieñ wa kjap;
U poi cheiwa bha næ u poi cheiwa sih?
La dei bih næ dawai pyn ya-idæ hi u dih.
Leh jar i ngait kat dang im ha pyrthai,
Wym ye u khang næ u chrai u mai!
Ki aiñ tæ da em wow kem wow ksoh;
Lada leh kiwon kiwon ki kaam wym toh.
Ha pyrthai u im du kat u chong wasa,
Wym em wa yoh u chongneh rta;
Cha dwar u Blai daw lai chisien ka sngi,
Hei dujok næ khet-ksiar chong hei kaam yong i.
