Kiwa dang chah ktah ha u COVID-19 ha India hadien 5 sngi da hiar ki hapoh 70 hjar ngut deiwa em 69,921 ngut ha kini ki 24 kynta katkam ka yukheiñ ka Ministry of Health & Family Welfare.
Kiwa dang chait da em ki 65,081 ngut, kiwa dang yap da em sa 819 ngut katwa kiwa dang em ya uni u khñiang da ku da 4,021 ngut hadien wa 5 sngi da ku bait da palat 10 hajar ngut.
Ki jylla wa boon dooh kiwa chait toh ha Maharashtra 11158 ngut, Andhra Pradesh 8772 ngut, Karnataka 7238, Tamil Nadu 6008 ngut, Uttar Pradesh 4597 ngut, Odisha 4053 ngut wa ha West Bengal 3318 ngut.
Na ki jylla wa ku dooh kiwa dang em ya uni u khñiang toh ka Jharkhand 2519 ngut, Assam 1722 ngut wa ha Andhra Pradesh 1147 ngut.
Kiwa chait hapoh ka ri da em ki 76.94% iwa ku naka 76.63% kiwa em 28,39,882 ngut, kiwa dang em ya uni u khñiang da em ki 21.29% iwa hiar naka 21.59% kiwa em 7,85,996 ngut wa 1.77% kiwa yap kiwa em 65,288 ngut. Waroh da poi da 36,91,166 ngut kiwa da dep yoh ya u COVID-19 ha India.
Kiwa chait da tam ki da 20,53,886 ngut ya kiwa dang em ya uni u khñiang iwa ku da 61,060 ngut nadooh ynnin ka sngi.
