Shillong: Neidaw wa em wa yoh COVID-19 kamjooh wa em kiwa em hei maa wow yoh ya uni u khñiang ha ki yung wa em ha Lawsohtun Block-2 (Lumpdeng) kamjooh yow ye u leh yei booddien (Contact Tracing), Quarantine, Testing wa kiwi kiwa emkaam kamjooh yow khangkset ya ini i thaw yow lait nei psiah i mih khlem da yoh bor.
Kamtæ yow yada ya ki paidbah nei poor u khñiang COVID-19, ka District Magistrate, East Khasi Hills District da pynmih hukum ko haka 31st August, 2020 yow pynbna yei yung ka Tri Shabong, Lawsohtun Block-2 (Lumpdeng) kam i Containment Area.
Ha kawi tawon ka hukum, ka District Magistrate ka East Khasi Hills da pyntip ko wa hadien wa da dep leh ya iwa emkaam, kam i Contact Tracing, Testting ya kiwa em hei maa (High Risk Contacts) ha Horju Roy Compound wa em ha Jeep Stand wa ha Rana Compound ha Lower Mawprem. Da pynbna wa da pyndam yei pynman Containment Area ya kini ki thaw nadooh ka 31st August, 2020.
Tangwa kani ka hukum da ong ko wa yaka Md. Salim Compound wa em ha Lower Mawprem u pteiñ ko wow man kam ka Containment Area.