Kiwa dang yoh COVID-19 ha India hadien 40 sngi da em ki hapoh 2 lak ngut heiwa ha kini ki 24 kynta kiwa dang yoh da em ki 1,96,427 ngut, kiwa dang chait da em ki 3,26,850 ngut, kiwa dang yap 3,511 ngut iwa mut wa kiwa dang em ya uni u khñiang da hiar ki da 1,33,934 ngut.
Kiwa chait da tam ki ya kiwa dang yoh la 12 sngi khlem sangeh heiwa na ki 20,58,112 tylli ki Test kiwa da leh ha kini ki 24 kynta kiwa yoh da em ki 9.54% kawa tip leh kam ka Positivity Rate heiwa pyn ha uni u bnai ka Positivity Rate da ku ko hadooh 22.61%.
Ha kini ki 24 kynta da em leh du 8 tylli ki jylla wa boon da kiwa yoh ya kiwa chait, kitæ toh ha Arunachal Pradesh wa tam da kiwa dang yoh 228 ngut, Assam 885 ngut, Lakshadweep 112 ngut, Meghalaya 108 ngut, Mizoram 108 ngut, Nagaland 36 ngut, Tamil Nadu 7437 ngut wa ha Tripura 341 ngut.
Ki jylla wa boon dooh kiwa dang em ya uni u khñiang toh ha Karnataka 4,40,456 ngut, Maharashtra 3,30,215 ngut, Tamil Nadu 3,01,580 ngut, Kerala 2,59,558 ngut, Andhra Pradesh 2,03,762 ngut, West Bengal 1,28,585 ngut, Rajasthan 99,875 ngut, Odisha 99,701 ngut, Uttar Pradesh 76,703 ngut wa ha Gujarat 68,971 ngut.
Ha kini ki 14 sngi, kiwa dang em ha ya uni u khñiang da hiar ki da 11.5 lak ngut.
Waroh kiwa chait da em ki 89.26% kiwa em 2,40,54,861 ngut, kiwa dang chah ktah da em ki 9.60% kiwa em 25,86,782 ngut, kiwa yap 1.14% kiwa em 3,07,231 ngut, deilang dapoi 2,69,48,874 ngut kiwa da dep yoh ya uni u khñiang hapoh ka jylla.
Heiyatoh wa i e dawai tika hapoh ka ri, da dep wow e la 19,85,38,999 sien heiwa na kini kynthup ko ya 1,19,11,759 ngut kiwa em 18-44 snem kiwa da yoh yei tika chisien.
